ગાંધીનગર : રાજ્યમાં હવામાન વિભાગ દ્વારા ગાંધીનગર અને અમદાવાદમાં ભારે પવન સાથે વરસાદની આગાહી કરવામાં આવી છે. છેલ્લા ચાર દિવસમાં બે વખત પવન સાથે વરસાદ પડ્યો છે, ત્યારે સોમવારે રાત્રીના સમયે ગાંધીનગર તાલુકાના માધવગઢ લક્ષ્મીપુરા ગામમાં રાત્રે 9:30થી 11 કલાક સુધી એકાએક વાવાઝોડું ત્રાટક્યું હતું. ગ્રામજનો કંઈ સમજે તે પહેલા કાચા મકાનના પતરા ઉડી ગયા હતા. તબેલામાં બાંધેલા પશુઓને યોગ્ય જગ્યાએ લઈ જાય તે પહેલા ઝાડ પડી જવાના કારણે પશુઓ દબાઈ ગયા હતા. માત્ર ત્રણ કિલોમીટરના વિસ્તારમાં ત્રાટકેલા વાવાઝોડાએ ગ્રામજનોને કંડલા વાવાઝોડાની યાદ અપાવી દીધી હતી.
લક્ષ્મીપુરામા વાવાઝોડાએ વેર્યો વિનાશ
