- ગાંધીનગર સર્કિટ હાઉસના 17 કર્મચારીઓ પોઝિટિવ
- રસોડા સ્ટાફ રૂમ સર્વિસ સ્ટાફ વગેરે પોઝિટિવ
- ગાંધીનગરમાં ચૂંટણી પહેલા કોરોનાના કેસ વધ્યા
ગાંધીનગર : પાટનગરમાં કોરોનાના કેસ સતત વધી રહ્યા છે ત્યારે સર્કિટ હાઉસમાં 17 લોકોનો કોરોના પોઝિટિવ આવ્યો હતો. આ સમાચાર સામે આવતા જ સમગ્ર ગાંધીનગરમાં ખળભળાટ મચ્યો હતો. જેની અસર ગાંધીનગરમાં થતા આ લોકોમાં કોરોનાનો ભયનો માહોલ સર્જાયો છે. જો કે આગામી સમયમાં ચૂંટણી યોજાવાની છે, ત્યારે આ કેસમાં વધારો થવાની શક્યતા રહેલી છે, તેવી ભીતિ પણ સેવાઈ રહી છે.
આ પણ વાંચો - IIT ગાંધીનગરના 25 વિદ્યાર્થીઓનો કોરોના રિપોર્ટ પોઝિટિવ આવ્યો
મેનેજર સહિતનો સ્ટાફ કોરોના પોઝિટિવ
ગાંધીનગર સર્કિટ હાઉસ ખાતે આવેલા કોરોના પોઝિટિવ 17 લોકોમાં મેનેજર સહિતનો સ્ટાફ જેમાં રૂમ સર્વિસ, હાઉસકીપિંગ સ્ટાફ વગેરે સંક્રમિત થયા હતા. જે કારણે સર્કિટ હાઉસની જમવાની, ચા, નાસ્તાની તમામ પ્રકારની સુવિધાઓ અત્યાર પૂરતી બંધ કરવામાં આવી છે તેવું સર્કિટ હાઉસના નોટિસ બોર્ડ પર લાગેલું છે.
આ પણ વાંચો - ગુજરાત કોરોના અપડેટ : છેલ્લા 24 કલાકમાં 2,270 પોઝિટિવ કેસ, 294 ડિસ્ચાર્જ
કોરોનાના કેસ વધતા ગાંધીનગરમાં ટેસ્ટિંગની લાઈન લાગી
કોરોનાના કેસ ગાંધીનગર ખાતે વધતા સેક્ટર 21 ખાતે કોરોના ટેસ્ટિંગને લઈને શહેરીજનોએ લાંબી લાઇન લગાવી હતી. ટેસ્ટિંગ સવારે 10 કલાકે શરૂ થાય છે, તે પહેલાં જ લાંબી લાઈન જોવા મળે છે. આગામી સમયમાં ચૂંટણીઓ આવી રહી છે, ત્યારે ગાંધીનગર સર્કિટ હાઉસમાં આવેલા કોરોના કેસને ધ્યાનમાં રાખીને સાવચેતીના પગલાં પણ એટલા જ મહત્વના છે.
આ પણ વાંચો - ગાંધીનગરમાં કોરોનાની ઝપેટમાં આવનાર સૌથી વધુ યુવાનો, 60 ટકા યંગસ્ટર પોઝિટિવ આવ્યા
