પ્રાપ્ત થતી વિગતો મુજબ, કમોસમી વરસાદમાં 31 ડિસેમ્બર સુધી ખેડૂતોને રજિસ્ટ્રેશન કરાવવાનો સમય રાજ્ય સરકાર દ્વારા આપવામાં આવ્યો હતો. પરંતુ તે સમય પૂર્ણ થઇ જતાં હવે રાજ્ય સરકાર સમયમર્યાદામાં વધારો કરે તે અંગેની પણ મહત્વની ચર્ચા આજની કેબિનેટ બેઠકમાં કરવામાં આવશે. ત્યારબાદ ખેડૂતો માટે નવા સમય પણ ફાળવવામાં આવશે.
ઉલ્લેખનીય છે કે, રાજ્ય સરકાર ખેડૂતો માટેની રજિસ્ટ્રેશનના સમયગાળો વધારો કરી શકે તેવી પણ શક્યતાઓ દર્શાવી રહી છે. જ્યારે મગફળીની ખરીદીમાં જે 15 દિવસ ઓછા કર્યા હતા તેને પણ વધારો કરવા માટેની પણ આજે કેબિનેટ બેઠકમાં ચર્ચા થશે, સાથે જ રીતે રાજ્ય સરકારે હેલમેટના કાયદામાં મરજીયાત ફોન ઉપાડ રાખ્યું છે. તેને લઈને પણ કેબિનેટ બેઠકમાં ચર્ચા કરવામાં આવશે.
આ ઉપરાંત અમદાવાદની પ્રાથમિક શાળાઓમાં આરોગ્ય ચકાસણી દરમિયાન અનેક બાળકોમાં આયોડિનની ઉણપ સામે આવી હતી. જેમાં 33 જેટલા બાળકોને કેન્સરની અને 267 જેટલા બાળકોને હૃદયરોગની બીમારી સામે આવ્યા હોવાનું પણ રિપોર્ટમાં દર્શાવવામાં આવ્યું છે. ત્યારે હવે રાજ્ય સરકાર બાળકોના સ્વાસ્થ્ય માટે કેવા પગલાં ભરશે તે અંગેની પણ કેબિનેટમાં ચર્ચા થશે.
