- રાજ્યમાં કુલ 6,313 સામૂહિક દુષ્કર્મની ઘટનો નોંધાઇ
- મહિલાઓ સુરક્ષિત હોવાના દાવા પોકળ
- અમદાવાદમાં નોંધાયા સૌથી વધુ 977 કેસ
ગાંધીનગર : રાજ્યમાં ગુજરાત પોલીસ દ્વારા સિનિયર સિટીઝન અને મહિલાઓ સુરક્ષિત છે, તેવી સરકાર દ્વારા અનેક પ્રકારની વાતો કરવામાં આવે છે, પરંતુ વિધાનસભાના સત્રમાં પ્રશ્નોત્તરીમાં સલામતીના મુદ્દે એવા આંકડા બહાર આવ્યા છે કે, આ સમાચાર સાંભળીને લોકો સ્તબ્ધ થઈ જાય. ગત 5 વર્ષમાં કુલ 6,313 સામૂહિક દુષ્કર્મની ઘટનાઓ સામે આવી છે. આ વિધાનસભાની અતારાંકિત પ્રશ્નોત્તરીમાં આંકડાઓ સામે આવ્યા છે.
આ પણ વાંચો - પ્રગતિના પ્રતીક ગુજરાતમાં અધધ ગુનાખોરી વધી
આ પણ વાંચો - રાજકોટ: પોતાના મામાજીની પુત્રી સાથે દુષ્કર્મ આચરનાર જમાઇ થયો પોલીસ હવાલે
અમદાવાદમાં 977 કેસ, સુરતમાં 953 કેસ
અમદાવાદ શહેરમાં ગત પાંચ વર્ષમાં 977 અને સુરતમાં 953 દુષ્કર્મની ઘટનાઓ સામે આવી છે. સલામત કહેવાતા ગુજરાતમાં દુષ્કર્મની ઘટનાઓમાં સતત વધારો થઇ રહ્યો છે, જ્યારે સામૂહિક દુષ્કર્મના કેસોમાં પણ વધારો જોવા મળ્યો છે. વર્ષ 2015-16માં સામૂહિક દુષ્કર્મના 5 કેસ હતા. જે 2019માં વધીને 20 થયા છે. આમ સરેસાશ 15 કેસનો વધારો 5 વર્ષમાં થયો છે.
આ પણ વાંચો - 4 વર્ષની બાળકીની દુષ્કર્મ બાદ હત્યા, મૃતદેહના ટુકડા કરી ટોઇલેટની બારીમાંથી ફેંકી દીધા
આ પણ વાંચો - ભૂવાએ તાંત્રિક વિધિના બહાને યુવતી સાથે દુષ્કર્મ આચર્યું
5 વર્ષની તમામ વિગતો
જ્યારે ગુજરાતમાં સૌથી વધુ દુષ્કર્મના બનાવો અમદાવાદ શહેરમાં અને ત્યારબાદ સુરત શહેરમાં બન્યા છે. ઓક્ટોબર 2015થી સપ્ટેમ્બર 2016ના અરસામાં અમદાવાદ શહેરમાં 165 દુષ્કર્મ અને એક સામૂહિક દુષ્કર્મની ઘટના નોંધાઈ છે. વર્ષ 2017માં 188, વર્ષ 2018માં 202, વર્ષ 2019માં 226 અને વર્ષ 2020માં 196 દુષ્કર્મના બનાવો સામે આવ્યા છે.
આ પણ વાંચો - ગોંડલના એક ગામમાં સગીરા પર દુષ્કર્મ, પોલીસ ફરિયાદ નોંધાઈ
આ પણ વાંચો - દીકરી હવે ઘરમાં પણ નથી સુરક્ષિત, હવસખોર બાપે આચર્યું દુષ્કર્મ
કેટલા આરોપીઓ પોલીસ પકડની બહાર
ભાવનગર અને રાજકોટ શહેરમાં પણ આ આંકડામાં સતત વધારો થઈ રહ્યો છે. સુરતમાં વર્ષ-2015-16માં 117, 2016-17માં 136 દુષ્કર્મની ઘટના નોંધાઈ છે. ભાવનગર અને રાજકોટ શહેરમાં પણ આ આંકડા ચિંતાજનક છે. સુરત શહેરમાં સૌથી વધુ 33 આરોપીઓ પોલીસ પકડથી દૂર છે. જ્યારે અમદાવાદમાં 19, વડોદરામાં 10, જામનગરમાં 11, બનાસકાંઠામાં 21, ભાવનગર 12 અને સુરત ગ્રામ્ય વિસ્તારમાંથી 20 દુષ્કર્મના આરોપીઓ હજૂ પણ પોલીસ પકડથી દૂર છે.
આ પણ વાંચો - બનાસકાંઠા જિલ્લામાં પોલીસ સામે સગીરાએ નોંધાવી ફરિયાદ
આ પણ વાંચો - અમદાવામાં પરપ્રાંતીય યુવતીને દારૂ પીવડાવી આચર્યું સામૂહિક દુષ્કર્મ
