દ્વારકા તાલુકાનું ભીમગજા તળાવ તૂટે તે પહેલાં જ બે ગામ ખાલી કરાવાયા, મોટી જાનહાનિ ટળી

દ્વારકા તાલુકાનું જીવાદોરી સમાન ભીમગજા તળાવ ભારે વરસાદને પગલે ભરાઈ ગયું હતું. જેના પગલે તળાવ તૂટે તેવી શક્યતા જણાતા ભીમગજા તળાવની આસપાસના બેથી ત્રણ ગામ પર ભય તોળાઈ રહ્યો હતો.

દેવભૂમિ દ્વારકા : જિલ્લાનું જીવાદોરી સમાન તળાવ ભારે વરસાદને પગલે ભરાઇ ગયુ હતું. જેનાથી તળાવ તુટવાની શક્યતાને પગલે તળાવની આસપાસના બે થી ત્રણ ગામ પર શંકટ તોળાતુ હતું. આ તકે તાલુકાના રાજપરા અને નાગેશ્વર ગામમાં મોટી જાનહાનિ થઈ શકે તેવી શક્યતા હોવાથી તાલુકાના મામલતદાર અને તાલુકા પંચાયતના પ્રમુખ પોતાની ટીમ સાથે દોડી આવ્યા હતાં. જ્યાં સ્થળ ઉપર જ પરિસ્થિતિ જોતા તાત્કાલિક બંને ગામના નીચાણવાળા વિસ્તારના લોકોના ઘરે જઈને સમજાવટ બાદ રાજપરા ગામના અંદાજે 1153 લોકોને સલામત સ્થળે ખસેડવામાં આવ્યા હતાં.

દેવભૂમિ દ્વારકા જિલ્લાના તમામ તાલુકાઓમાં 100 ટકા વરસાદ પડ્યા બાદ જિલ્લાના તમામ ગામ પાણી-પાણી બન્યા હતાં. વરસાદના વિરામ બાદ જેટલું શહેરના લોકોને નુકસાન છે તેનાથી બમણું ગ્રામ્ય લોકોમાં ખેડૂતોને પણ નુકસાન છે. દ્વારકા તાલુકાના બે થી ત્રણ ગામની અંદાજે 500 એકર જમીનમાં વરસાદી પાણી ભરાઈ જતા ખેડુતોને લાખો રૂપિયાનું નુકસાન થવા પામ્યું છે.તાલુકાના ભીમગઢ તળાવના આસપાસના ખેડૂતોની માગ છે કે જે વર્ષે વરસાદ વધુ આવે ત્યારે ખેડૂતો પાયમાલ થઇ જાય છે. ભીમગજા તળાવની પાછળના ભાગમાં જો બે થી ત્રણ પુલ બનાવવામાં આવે તો ત્યાંથી પાણી વહી જાય અને ખેડૂતોને રાહત પણ થઈ શકે છે.