દ્વારકાથી માત્ર 16 કિલોમીટર દૂર આવેલું દારુકાવન માં નાગેશ્વર જ્યોતિર્લિંગ બિરાજમાન છે. એક લોકવાયિકા મુજબ વર્ષો પહેલા દારુકા નામના રાક્ષસનો અહીં ખુબ જ ત્રાસ હતો જ્યારે લોકોએ ભગવાન શિવની ભક્તિ કરી અને ભગવાન શિવને દ્વારકાના રાક્ષસના ત્રાસમાંથી મુક્તિ અપાવવા વિનંતી કરી હતી, ત્યારે ભગવાન શિવે પોતાના ભક્તોની રક્ષા કરવા માટે અહીં આવે અને દારૂકા રાક્ષસનો વધ કર્યો ત્યારથી આ સ્થળને દારૂકાવન અને ભગવાન શિવના યાદમાં સ્થળને નાગેશ્વર તરીકે ઓળખાય છે. અહીં આવતા ભક્તોને નાગેશ્વર મંદિરમાં ખૂબ જ આસ્થા છે. અહીં રાજ્યના જ નહીં પરંતુ દેશ-વિદેશથી પણ ભક્તો દર્શનાર્થે આવે છે.
નાગેશ્વર મંદિરે શ્રાવણ માસમાં વહેલી સવારે પાંચ વાગ્યે ભગવાન શિવની પૂજા અર્ચના કરીને 6 વાગ્યે શૃંગારના દર્શન થાય છે. ખાસ કરીને શ્રાવણ પર્વ પર શ્રદ્ધાળુઓ મોટી સંખ્યામાં દર્શનાર્થે આવીને ધન્યતા અનુભવે છે.
