દ્વારકાના સંગીત પ્રેમીઓએ મોહમ્મદ રફીને આપી 39મી પુણ્યતિથિએ શ્રદ્ધાંજલિ

દ્વારકા: જિલ્લામાં સાંઝ ઔર આવાઝ ગ્રુપ દ્વારા મશહુર પાશ્વગાયક મોહમ્મદ રફી સાહેબને તેમની 39મી પુણ્યતિથિએ ભાવપૂર્વક શ્રદ્ધાંજલિ આપવામાં આપી હતી. મોહમ્મદ રફીના ચાહોકોએ તેમના ગીત સાંભળીને તેમના સમયના સંસ્મરણોને યાદ કર્યા હતા.

ભારતના મશહૂર પાશ્વગાયક મોહમ્મદ રફી સાહેબની 39મી તિથિએ દ્વારકાના નગરજનોએ ભાવપૂર્વક ઉજવણી કરી હતી. દ્વારકા ધાર્મિકતાની સાથે-સાથે સંગીત પ્રેમી શહેર છે, તેવું સાબિત કરી આપ્યું છે. પાશ્વગાયક મોહમ્મદ રફી સાહેબની 39 પુણ્યતિથિએ દ્વારકાના બીરલા ચોકમાં 'સાંઝ ઓર આવાઝ' ગ્રુપ દ્વારા મોહમ્મદ રફી સાહેબના પ્રિય એવા ગીતો ગાયને તેમને ભાવપૂર્વક શ્રદ્ધાંજલિ આપી હતી.

મોહમ્મદ રફી સાહેબને 5 રાષ્ટ્રીય પુરસ્કાર તેમજ 6 ફિલ્મફેર પુરસ્કાર મળ્યા હતા. ભારત સરકાર દ્વારા તેમણે પદ્મશ્રી એવોર્ડથી પણ નવાજવામાં આવ્યા હતા. અંદાજે 26 હજારથી પણ વધુ ફિલ્મી ગીતો તેમણે 40 વર્ષની કારકિર્દીમાં ગાયા હતા.જેમાં ગાયક કલાકારોમાં આશિષ જોશી, બીપીન સામાણી, દિપક માણેક, વિજય બથવાર તેમજ મીતા બાબારી હાજર રહ્યા હતા.