દેવભૂમિ દ્વારકા: દરિયામાં ડૂબેલી બોટના માલિક વિરૂદ્ધ કાર્યવાહી કરવામાં આવશે: ફિશરીસ અધિકારી

દેવભૂમિ દ્વારકા: 3 ડિસેમ્બરના રોજ ઓખાથી નીકળેલી મોઈન નામની બોટ જખ્ખો નજીક ડુબી હતી. જેમાં એક ખલાસી નોંધણી કરાવ્યા વગર જ જતો રહ્યો હતો. જ્યારે ફિશરીસ અધિકારીએ જણાવ્યું કે, ઓખા દ્વારા બોટ માલીક વિરુદ્ધ કાર્યવાહી કરાશે. ઓખાબંદરની "મોઈન" GJ-11-MM 13 782 નામની માછીમારી બોટ 3 ડિસેમ્બરના ખોખાથી માછલી મારવા નીકળ્યા હતા. 9 ડિસેમ્બરે સાંજે કચ્છના જખૌ બંદર પાસે અકસ્માતે ડૂબી ગઈ હતી. બોટમાં સવાર 7 માછીમારો લાપતા થયા છે.

ઘટનાની જાણ થતા ઓખા કોસ્ટગાર્ડ દ્વારા લાપતા માછીમારોની શોધખોળ શરૂ કરવામાં આવી હતી. તેમ છતાં હજુ સુધી કોઇ ભાળ મળી નથી ડૂબી ગયેલી બોટને રેસ્ક્યુ કરીને ઓખા લાવવામાં આવી હતી. આ અગે આજે ઓખા ફિશરીશ અધિકારી આર.આર.લશ્કરીએ જણાવ્યું કે, ટોટલ 7 માછીમારો બોટમાં ગયા છે, પરંતુ ઓખા ફિશરીશ કચેરીએ માત્ર 6 ની જ નોધણી કરાવી હતી.

દેવભૂમિ દ્વારકાની દરિયામાં ડૂબેલી બોટના માલિક વિરૂદ્ધ કાર્યવાહી કરવામાં આવશે

1 ભરત મેણસી ચુડાસમા
2 દિનેશ બાલુ સોલંકી
3 ભૌતિક ગોવિદ સોલંકી
4 કચરા વસરામ સોલંકી
5 જેશા રુડા વંશ
6 અરવિદ ભગવાન ચુડાસમા

આ ઉપરના 6ની નોધણી ઓખા ફિશરીશમાં કરાવી હતી. જ્યારે 7મો માછીમાર જયંતી પાચા મકવાણાની નોધણી કરવી જ નહોતી. આ અંગે ઓખા ફિશરીશ દ્વારા બોટ માલિક ભરચ ઈસ્માઇલ ઈસુબ, ઓખાની પુછપરછ કરી જો કશુરવાર હશે તેની સામે કાર્યવાહી કરવામા આવશે.