દ્વારકાઃ જિલ્લા નજીકના રૂપેણ બંદર વિસ્તારમાં છેલ્લા કેટલાય સમયથી પ્રેક્ટિસ કરતો બોગસ ડૉક્ટર પકડાયો હતો. દ્વારકા તાલુકાના આરોગ્ય અધિકારી દ્વારા પોલીસને સાથે રાખી ડમી દર્દીને મોકલી તપાસ કરતા આ બોગસ ડૉક્ટર પકડાયો હતો. તેના ક્લિનિક અંદરથી અંદાજે દોઢ લાખથી વધુ રકમની જેન્ડ્રીક દવાનો જથ્થો મળી આવ્યો હતો.
માત્ર 10 ધોરણ પાસ આ બોગસ ડૉક્ટર હાલ વિશ્વ કોરોના વાઇરસ મહામારી વચ્ચે આરામથી પોતાની પ્રેક્ટિસ કરતો જણાતા આરોગ્ય વિભાગ અને પોલીસ પણ ચોંકી ઉઠી હતી. દ્વારકા પોલીસ દ્વારા આરોપીની ધરપકડ કરી આઇ.પી.સી.કલમ 269,270,278 તેમજ ગુજરાત મેડિકલ પ્રેક્ટિસ એક્ટ 196ની કલમ 30 મુજબની કાર્યવાહી કરી હતી.
હાલ કોરોના વાઇરસના ઉપદ્રવ વચ્ચે દ્વારકાના રૂપેણ બંદર પર એવો બોગસ ડૉક્ટર લોકોના આરોગ્ય સાથે ચેડાં કરે છે. જેની ફરિયાદ નોંધાવી છે અને ભવિષ્યમાં આ બોગસ ડૉક્ટર પાછો આવીને પ્રેક્ટિસ નહિ કરે તેવી તકેદારી રાખવામાં આવશે.
દ્વારકા પી.આઇ. વી.વી.વાગડીયા દ્વારકા આરોગ્ય અધિકારી અને પોલીસની કાર્યવાહી કરવામાં આવી છે. જેમાં આરોપી બોગસ ડૉક્ટરના હોસ્પિટલ અને ઘરેથી રુપિયા દોઢ લાખ જેટલી જેન્દ્રિક દવા મળી આવી છે. હાલ આરોપીની ધરપકડ કરવામાં આવી છે.
