વઘઇ તાલુકાના ડુંગરડા ગામે યોજાયેલી ગ્રામસભામાં પ્રજાજનોને માર્ગદર્શન આપતાં વઢવાણિયાએ રાજ્ય અને કેન્દ્ર સરકારની પ્રજાલક્ષી યોજનાઓની જાણકારી પુરી પાડી હતી અને તેનો મહત્તમ લાભ લેવાનો પણ અનુરોધ કર્યો હતો. આ લાભ મેળવવા માટે અનુસરવાની કાર્યપદ્ધતિનો ખ્યાલ આપી તેમણે પ્રજાજનોને સમયસર જરૂરી દસ્તાવેજો સાથે સંબંધિત વિભાગોને અરજી મોકલવાની પણ આ હિમાયત કરી હતી.
ડુંગરડા ગૃપ ગ્રામ પંચાયતના સ્થાનિક પ્રશ્નોની ચર્ચા કરતાં કેન્દ્ર સરકાર દ્વારા ખેડૂતો માટે જાહેર કરાયેલી સુધારેલી આર્થિક સહાય યોજનાનો લાભ લેવા પણ જણાવ્યું હતું.
ડુંગરડા ગામની ગ્રામસભામાં જિલ્લા વિકાસ અધિકારી એચ.કે.વઢવાણિયા સાથે તાલુકા વિકાસ અધિકારી સી.ડી.વ્યવહારે, ગ્રામસભાના જિલ્લાકક્ષાના લાયઝન ઓફિસર એવા નાયબ કાર્યપાલક ઇજનેર, સી.ડી.પી.ઓ. નિરંજનાબેન પટેલ, સરપંચ પ્રકાશભાઇ ચૌધરી, તાલુકા પંચાયતના સદસ્ય સંકેતભાઇ અને રામજભાઇ, પંચાયત અને મહેસૂલી અધિકારી/કર્મચારીઓ, ગ્રામીણ કર્મચારીઓ, પ્રજાજનો ઉપસ્થિત રહી તેમની ભૂમિકા નિભાવી હતી.
