ડાંગના મુરબી ગામ નજીક ડિવાઈડર સાથે અથડાતા યુવકનું ઘટનાસ્થળે મોત

ડાંગ જિલ્લાના બારીપાડાથી સુરગાણાને સાંકળતા સ્ટેટ ધોરીમાર્ગના મુંરબી-નડગચોંડ વચ્ચે એક વળાંક આવે છે. અહીં મોટરસાયકલ પર આવતો એક યુવક સાઈડમાં રહેલા ડિવાઈડર સાથે અથડાતા તેનું ઘટનાસ્થળે મોત થયું છે.

• બારીપાડાથી સુરગાણાને સાંકળતા સ્ટેટ ધોરીમાર્ગનાં મુંરબી-નડગચોંડ ગામ વચ્ચેના વળાંકમાં અકસ્માત
• રસ્તાની બાજુમાં આવેલા ડિવાઈડર સાથે મોટરસાયકલ અથડાતાં 25 વર્ષીય યુવકનું ઘટનાસ્થળે જ મોત
• બાઈકસવાર બીજા યુવાનને ગંભીર ઈજા પહોંચતા આહવા સિવિલ હોસ્પિટલમાં ખસેડવામાં આવ્યો હતો

ડાંગઃ આ અંગે પ્રાપ્ત વિગતો અનુસાર, આજ રોજ ડાંગ જિલ્લાના વઘઈ તાલુકામાં સમાવિષ્ટ માનમોડી થઈ ઘોડવહળ ગામેથી પોતાનું કામ પતાવી મોટરસાયકલ પર ઘરે જઈ રહ્યા હતા. તે દરમિયાન આ યુવકો મુરબી-નડગચોડ ગામ વચ્ચેના વળાંકમાં આવેલા ડિવાઈડર સાથે અથડાયા હતા. મોટરસાયકલ ઉપર સવારોમાં પંકજ કેશુભાઈ પવાર (ઉં.વ.25), રાજુ ધવળુભાઈ જાદવ (ઉં.વ.30) બંને ફંગોળાઈ ગયા હતા. જોકે, બાઈકચાલકનું ઘટનાસ્થળે મોત નીપજ્યું હતું.

ડાંગના મુરબી ગામ નજીક ડિવાઈડર સાથે અથડાતા યુવકનું ઘટનાસ્થળે જ મોત

ઘટનાસ્થળે બાઈકચાલકનું મોત, ઈજાગ્રસ્તને આહવા સિવિલ ખસેડાયો

ઘટનાસ્થળે મોટરસાઈકલ ઉપર સવાર રાજુ ધવળુભાઈ જાદવને ગંભીર ઈજા પહોંચતા તેમનું ઘટનાસ્થળે મોત થયું હતું. જ્યારે પંકજ પવાર ઈજાગ્રસ્ત થતા હોસ્પિટલ ખસેડાયો હતો. આ અકસ્માતનાં બનાવ સંદર્ભે મૃતક યુવકના પરિવારજનોએ તથા ઈજાગ્રસ્ત યુવાનના પરિવારજનોએ પોલીસ ફરિયાદ કરવાનું ટાળતા સાપુતારા પોલીસની ટીમે વાલી વારસનાં નિવેદનો નોંધી તપાસ પૂર્ણ કરી હતી..