ડાંગના આહવા ખાતે વનપ્રધાન ગણપત વસાવાની અધ્યક્ષતામાં વન અધિકાર ધારા અંગે સમીક્ષા બેઠક યોજાઈ

ડાંગ જિલ્લાના આહવા ખાતે વન અધિકાર ધારા હેઠળના કેસોની જોગવાઈ માટે સમીક્ષા બેઠક આદિજાતિ અને વનપ્રધાન ગણપત વસાવાની ઉપસ્થિતમાં યોજાઈ હતી.

• વન અધિકાર ધારા અંગે સમીક્ષા બેઠક યોજાઇ
• આદિવાસીઓને જમીનના હક આપવા બાબતે સરકાર હકારાત્મક
• ડાંગ જિલ્લા વહીવટી વિભાગના કર્મચારીઓ રહ્યા ઉપસ્થિત

ડાંગ: આહવા ખાતે વન અને આદિજાતિ વિકાસ પ્રધાન ગણપતસિંહ વસાવાના અધ્યક્ષ સ્થાને વન અધિકાર ધારા હેઠળના કેસની સમીક્ષા બેઠક યોજાઈ હતી. જેમાં ગણપતસિંહ વસાવાએ જણાવ્યું હતું કે આદિવાસી વિસ્તારોમાં રહેતા વન અધિકાર અધિનિયમ હેઠળના સાચા લાભાર્થીઓને જમીનના હક આપવા બાબતે સરકાર હકારાત્મક છે, ત્યારે સંબંધિત વિભાગોને પરસ્પર સંકલન સાથે કાયદાનું સાચું અર્થઘટન કરીને આવા લાભાર્થીઓને લાભ આપવા બાબતે ઉપયોગી માર્ગદર્શન આપતા રાજ્યના આદિજાતિ વિકાસ, વન અને મહિલા બાળ કલ્યાણ પ્રધાન ગણપતસિંહ વસાવાએ આ બાબતે ખૂબ જ સંવેદના સાથે આવા કેસોમાં પુન:સમીક્ષા કરવાની હિમાયત કરી હતી.

ડાંગના આહવા ખાતે વનપ્રધાન ગણપત વસાવાની અધ્યક્ષતામાં વન અધિકાર ધારા અંગે સમીક્ષા બેઠક યોજાઇ

વન અધિકાર ધારા હેઠળના કેસોની જોગવાઈ માટે આપ્યું ઉપયોગી માર્ગદર્શનવન અધિકાર ધારા હેઠળના કેસોની જોગવાઈ માટે ગણપતસિંહ વસાવાએ જણાવ્યું હતું કે આ બાબતે જરૂર પડ્યે જિલ્લા કક્ષાએથી સંબંધિત વિભાગોના ચુનંદા અધિકારીઓની એક કમિટી બનાવી, તેમને અભણ અને અશિક્ષિત અરજદારોના મૌખિક પુરાવાઓને ધ્યાને લેવા બાબતે અનુસરવાની કાર્યવાહી અંગે વિસ્તૃત ચર્ચા વિચારણા કરીને આ બાબતે છેવટનો નિર્ણય લેવાવો જોઇએ. ડાંગ જિલ્લા વહીવટી વિભાગના કર્મચારીઓ ઉપસ્થિત રહ્યાં ડાંગ જિલ્લા સેવા સદન ખાતે યોજાયેલી આ સમીક્ષા બેઠકમાં ડાંગ જિલ્લા પંચાયતના અધ્યક્ષા બીબીબેન ચૌધરી, નવનિયુક્ત ધારાસભ્ય વિજયભાઈ પટેલ, પૂર્વ ધારાસભ્ય મંગળભાઈ ગાવિત સહિત સામાજિક કાર્યકરો દશરથભાઈ પવાર, બાબુરાવ ચૌર્યા, સુરેશભાઈ ચૌધરી, રાજેશભાઈ ગામીત, રમેશભાઈ ચૌધરી, અશોકભાઈ ધોરાજીયા સહિત જિલ્લા અને તાલુકાના પદાધિકારીઓ, અરજદારો, ઇન્ચાર્જ કલેકટર એચ.કે.વઢવાણીયા, પોલીસ અધિક્ષક રવીરાજસિંહજી જાડેજા, નાયબ વન સંરક્ષક અગ્નીશ્વર વ્યાસ, નિવાસી અધીક કલેકટર ટી.કે.ડામોર, પ્રાયોજના વહીવટદાર કે.જી.ભગોરા, પ્રાંત અધિકારી કાજલ ગામીત સહિતના ઉચ્ચાધિકારીઓએ ઉપસ્થિત રહીને ચર્ચામાં ભાગ લીધો હતો.