દાહોદ : રાજ્ય સરકાર દ્વારા કાઠીયાવાડ પંથકમાં વસવાટ કરતા માલધારી સમાજના રબારી ,ભરવાડ ,ચારણ જાતિઓને આદિવાસીઓના પ્રમાણપત્ર આપવામાં આવ્યા હતા. ત્યારથી મૂળ આદિવાસીઓમાં રોષ ભભૂકયો છે. ખોટી રીતે આદિવાસીઓના પ્રમાણપત્ર મેળવીને નોકરી પર લાગેલા લોકો સામે કાયદેસરની કાર્યવાહી કરવા તેમજ તેમના પ્રમાણપત્ર રદ કરવાની માંગ સાથે આદિવાસી વિસ્તારમાં ભારે રોષ ભભૂકયો હતો.
તેવા સમયે કાઠીયાવાડ પંથકમાં માલધારી સમાજ દ્વારા આદિવાસીઓના પ્રમાણપત્રો માટે સરકાર પર દબાણ બનાવી રહી છે. તેમજ LRDની ભરતીમાં કૂણું વલણ અપનાવવામાં આવી રહ્યો હોવાનું આદિવાસી સમાજના ધ્યાને આવતા તેઓ ગાંધીનગર મુકામે આવેલા બિરસા મુંડા ભવન મુકામે ધરણા પર બેઠા છે.
દાહોદ જિલ્લાના લીમખેડામાં ખોટા પ્રમાણપત્રો રદ કરવાની માંગ સાથે સાંસદ જશવંતસિંહ ભાભોરના પૂતળાનું દહન કરવામાં આવ્યું હતું. ત્યારબાદ ઝાલોદ નગરમાં પણ આદિવાસી યુવાનો અને ભીલ પ્રદેશ વિદ્યાર્થી મોરચા દ્વારા પૂતળા સાથે રેલી યોજી સાંસદ જશવંતસિંહ ભાભોર તેમજ રાજ્ય આદિવાસી વિકાસ પ્રધાન ગણપતભાઈ વસાવાના વિરોધી સૂત્રોચાર સાથે તેમના પૂતળાનું દહન કરવામાં આવ્યું હતું.
જેમાં સૂત્રોચ્ચાર કરનાર યુવાનોએ હુરિયો બોલાવી તાત્કાલિક અસરથી સરકાર ખોટા આદિવાસીઓના પ્રમાણપત્ર રદ કરે અને તેમની સામે પોલીસ ફરિયાદ નોંધે તેવી માગ કરવામાં આવી હતી.
