દાહોદ : કોરોના વાઇરસને વધતા ડામવા માટે જિલ્લો લોકડાઉન હોવા છતાં સરકારી પ્રાથમિક આરોગ્ય કેન્દ્રોમાં દર્દીઓની ઓપીડીમાં રોજિંદો ઉતરોતર વધારો નોંધાઈ રહ્યો છે. દાહોદ શહેરની નજીકના વિસ્તારોમાં આવેલી સરકારી પ્રાથમિક આરોગ્ય કેન્દ્રોમાં ઉતરોતર 100થી વધારે ઓપીડી નોંધાઇ રહી છે.
દાહોદની વાયરલ ફિવર અને ટેસ્ટ કરવાના લઇને ઓપીડીમાં ઘસારો
લોકોના મનમાં કોરોનાનો ચેપ લાગ્યો હોવાની ગ્રંથિના કારણે ચકાસણી માટે પડાપડી થઇ રહી છે. જેથી આ ઓપીડીના ઘસારાને ધ્યાનમાં રાખી આરોગ્ય વિભાગ દ્વારા સોશિયલ ડિસ્ટન્સને તરકીબોનો ઉપયોગ કરવામાં આવી રહ્યો છે. દરેક તાલુકા કક્ષાએ એક ઈમરજન્સી ટીમ 24 કલાક આરોગ્ય વિભાગ દ્વારા તૈનાત કરવામાં આવી છે, તેમજ જિલ્લા આરોગ્ય વિભાગ દ્વારા શહેરના ખાનગી દવાખાનાઓમાં તબીબો દ્વારા ઓપીડી ચાલુ રાખવામાં આવે તેવો અનુરોધ કરવામાં આવી રહ્યો છે. જેથી સામાન્ય કે વાઇરલ બીમારીના દર્દીઓને સરળતાથી સારવાર મળી રહે.
