દેશની રાજધાની દિલ્હીમાં અસામાજિક તત્વો દ્વારા હિન્દુ મંદિરમાં તોડફોડ કરવામાં આવી હતી. અસામાજિક તત્વોના કૃત્યને દાહોદ જિલ્લા વિશ્વ હિન્દુ પરિષદ દ્વારા વખોડવામાં આવી છે. રાષ્ટ્રપતિને સંબોધન સાથેનો આવેદનપત્ર જિલ્લા કલેકટરને આપી આવા ત્તત્વો સામે સખત પગલાં ભરવાની માગ કરવામાં આવી છે.
વિશ્વ હિન્દુ પરિષદે જિલ્લા કલેકટરને પાઠવ્યું આવેદન પત્ર
હિન્દુ મંદિરમાં રહેલી ભગવાનની મૂર્તિઓને નુકસાન પહોંચાડવાના કારણે દેશના હિન્દુ સમાજની લાગણીઓ દુભાઈ છે. અસામાજિક ત્તત્વો દ્વારા હિન્દુ સમાજનું અપમાન કરવા બદલ અને તેમજ દેવતાઓની મૂર્તિઓને નુકસાન કરવાનું કૃત્ય આચરનાર આવા ત્તત્વો સામે સખત પગલાં ભરવા માટે દાહોદ જિલ્લા વિશ્વ હિન્દુ પરિષદે જિલ્લા કલેકટર કચેરી પહોંચી આવેદન પત્ર આપ્યું હતું.
