સેલવાસ : કેન્દ્ર શાસિત પ્રદેશ દાદરાનગર હવેલીના ખરડપાડા ખાતે લીલીછમ હરિયાળી અને વહેતા ઝરણાંની વચ્ચે 5.27 હેક્ટરમાં અંદાજિત 30 કરોડના ખર્ચે પ્રશાસને સોલિડ વેસ્ટ મેનેજમેન્ટ પ્લાન્ટ સ્થપાયો છે. સેલવાસ નગરપાલિકા અને 20 ગ્રામ પંચાયતના કચરાના નિકાલ માટે 150 ટન પર ડે ની કેપેસીટી વાળો આ પ્લાન્ટ ખરડપાડા ગામના લોકો માટે અને ગુજરાતના અંકલાસ ગામના લોકો માટે તથા રોષા નદી માટે આફત બન્યો છે. ગામ લોકોએ આ પ્લાન્ટનો વિરોધ કર્યો છે અને પ્લાન્ટની કોન્ટ્રાક્ટર કંપનીએ તેમજ સરકારી અધિકારીઓએ નિયમોને નેવે મૂક્યા હોવાનો આક્રોશ ઠાલવ્યો હતો.
સંઘપ્રદેશ પ્રશાસને આ જમીન એકવાયર કરી જયપુરની મેસર્સ રુર્બન ક્લીનટેક પ્રાઇવેટ લિમિટેડ કંપનીને પ્લાન્ટ હેન્ડલિંગ કરવામાં આવ્યો છે. જેના 35 જેટલા કચરાના વાહનો દાદરાનગર હવેલીના પાલિકા અને ગ્રામ્ય વિસ્તારમાંથી રોજના 90 ટન જેટલો કચરો ઉઠાવે છે. જે કચરાનું ગંદુ પાણી પાઇપલાઇન દ્વારા નજીકમાંથી પસાર થતી રોષા નદીમાં ઠાલવતા પ્રદૂષિત પાણીએ નદીમાં જળચર જીવોનું નિકંદન કાઢી, ગામના પાંચ જેટલા બોરના પાણી અને ખેતી માટે ઉપયોગમાં લેવાતા પાણીને પ્રદૂષિત કરી મૂક્યું છે. આ સોલિડવેસ્ટ પ્લાન્ટમાં આવતા કચરામાંથી દૈનિક 20 ટકા કચરાને ડમ્પ કર્યા બાદ બાકીના કચરાને રિસાઇકલ કરી તેમાંથી પ્લાસ્ટિક, ખાતર, પેપર બનાવવાનું અને આસપાસની ક્વોરીમાં ડમ્પ કરવાનું આયોજન પ્રશાસનનું છે. જો કે, આ કામગીરી હજુ માંડ 20 ટકા જેટલી જ થઇ છે છત્તા અહીં કચરાના ઢગ ખડકાઈ ગયા છે. જેમાં વરસાદી પાણી ભળતા તે કચરાયુક્ત પાણી એ ગામ લોકો માટે પીવાનું પાણી અને નદીનું પાણી ખરાબ કર્યું છે. જે અંગે મેસર્સ રુર્બન ક્લીનટેકના MDએ હાલ વરસાદને વિલન ગણાવી આગામી દિવસોમાં આ સમસ્યાનું નિરાકરણ લાવવાની ગુલબાંગો પોકારી હતી. મેસર્સ રુર્બન ક્લીનટેક પ્રાઇવેટ લિમિટેડ દાદરા નગર હવેલીના ખરડપાડા ખાતે આવેલી ડમ્પીંગ સાઈટના ગંદા પાણીથી ગ્રામજનો પરેશાન 
