બોડેલીમાં ભાજપનાં જિલ્લા-તાલુકા પંચાયતના ઉમેદવારોએ ફોર્મ ભર્યા

સ્થાનિક સ્વરાજની ચૂંટણીનાં પડઘમ વાગી રહ્યાં છે. ત્યારે બોડેલીની 26 તાલુકા પંચાયતની બેઠકો અને 6 જિલ્લા પંચાયતની બેઠકો માટે શનિવારે ભાજપના ઉમેદવારોએ ફોર્મ ભર્યા હતા.

• બોડેલી તાલુકાની 26 તાલુકા પંચાયત બેઠકો માટે કુલ 106 ફોર્મ ભરાયાં
• જિલ્લા પંચાયતની 6 બેઠકો પર 28 ઉમેદવારોએ ફોર્મ ભર્યા
• ભાજપના ઉમેદવારો સાથે ધારાસભ્ય અભેસિંહ તડવી પણ રહ્યા હાજર

બોડેલી: ભારતીય જનતા પાર્ટી દ્વારા જાહેર કરાયેલા ઉમેદવારો તેમજ અસંખ્ય ટેકેદારો શનિવારે શુભ મુહુર્તમાં ઢોલ નગારા સાથે બોડેલી તાલુકા સેવા સદન ખાતે ફોર્મ ભરવા માટે પહોંચ્યા હતા. જ્યાં ભાજપના ઉમેદવારો સાથે ધારાસભ્ય અભેસિંહ તડવી ખાસ હાજર રહ્યા હતા. બોડેલી તાલુકાની 26 તાલુકા પંચાયત બેઠકો માટે કુલ 106 ફોર્મ ભરાયાં હતા. જ્યારે જિલ્લા પંચાયતની 6 બેઠકો માટે 28 ફોર્મ ભરાયાં છે. હવે સોમવારે ફોર્મની ચકાસણી હોવાથી કોના ફોર્મ રદ થાય છે તેના પર સૌની નજર છે. કેમ કે આ વખતે ફોર્મ ભરવાનું અટપટું હતું.

ઉમેદવાર ખુલ્લી જીપમાં મોટી સંખ્યામાં કાર્યકર્તાઓ સાથે સેવા સદન પોહચ્યા

ઉમેદવારો ઓપન જીપમાં સેંકડો કાર્યકર્તાઓ સાથે સેવાસદન પહોંચ્યા ગત ટર્મમાં અપક્ષમાંથી ઉમેદવારી નોંધાવીને જીતેલા અમરસિંહ વણઝારાને ભાજપ દ્વારા કડાછલા બેઠક પરથી ટિકિટ ફાળવવામાં આવી છે. જેના કારણે શનિવારે જિલ્લા પંચાયતના ભાજપના ઉમેદવાર અમરસિંહ વણઝારા ઓપન જીપમાં પોતાના કાર્યકર્તાઓ અને સમર્થકોને સાથે રાખીને પોતાનું ઉમેદવારી પત્ર ભરવા પહોંચ્યા હતા.