પ્રાથમિક શાળાનું સ્તર સુધારવા સરકાર રહી રહીને જાગી, CM રાખશે સીધી નજર

ગાંધીનગર: રાજ્યમાં પ્રાથમિક શાળાઓનું શિક્ષણ સ્થળ તળિયે બેસી ગયું છે. અનેક વખત પ્રધાનો અને અધિકારીઓના દીકરાઓને પ્રાથમિક શાળાઓમાં અભ્યાસ કરાવવો જોઈએ, જેવા સોશિયલ મીડિયામાં સંદેશાઓ વહેતા થયા છે. ત્યારે હવે આ બાબતે પ્રાથમિક શાળામાં શિક્ષણનું સ્તર સુધારવા માટે સરકાર મોડી મોડી પણ જાગી છે. મુખ્યપ્રધાન રાજ્યની 32 શાળાઓમાં સીધી નજર રાખશે. ગાંધીનગર ખાતે શિક્ષણ વિભાગ દ્વારા કમાન્ડ એન્ડ કંટ્રોલ રૂમ તૈયાર કરવામાં આવ્યો છે જેને સીધો જ સીએમ ડેસ્ક સાથે જોડવામાં આવશે.

ભાજપ સરકારમાં દેશમાં શિક્ષણ લેવાની ગુજરાતનો ક્રમ સતત નીચે ઉતરતો જઈ રહ્યા છે. શિક્ષણ સુધારવાની વાતો થઈ રહી છે. પરંતુ તે બાબતે કોઈ નક્કર પગલાં લેવામાં આવતા નથી. સરકાર દ્વારા ખાનગી શાળાઓને મંજૂરી આપવામાં આવે છે. પરંતુ સરકારી શાળાનો વિકાસ કરવા માટે તેમની પાસે કોઇ પ્લાન તૈયાર હોતો નથી. હવે શિક્ષણ બાબતે ઘેરાયેલી સરકારના સંવેદનશીલ મુખ્યપ્રધાન રાજ્યની 32 શાળા ઉપર સીધી નજર રાખે શાળાના શિક્ષકો તેની કામગીરી ઉપર ચોકીદારની જેમ વોચ રાખશે. રાજ્યમાં બે લાખ શિક્ષકોની ઓનલાઇન હાજરી ભરવામાં આવશે.

શિક્ષણ વિભાગના સચિવ વિનોદ રાવએ કહ્યુ કે, રાજ્યમાં 3500 CRC અને BRC શિક્ષકોને ટેબલેટ આપવામાં આવશે. જેના કારણે શાળાનો ડે ટુ ડે શૈક્ષણિક રિપોર્ટ મોકલવામાં સરળતા રહેશે. ટેબલેટની GPS એસ કંટ્રોલના આધારે CRC અને BRC શિક્ષકોને ટ્રેક કરી શકશે. આ ડેટાના આધારે શૈક્ષણિક પ્રવૃત્તિનું એનાલિસિસ કરવામાં આવશે. શૈક્ષણિક પ્રવૃતિમાં ગોબાચારી કરનાર શાળા અને શિક્ષક સામે કાર્યવાહી કરવામાં આવશે.

રાજ્યના 32750 શિક્ષકોની હાજરીનું એનાલિસિસ કરવામાં આવશે. ટેબલેટ થકી સ્કૂલના શિક્ષક દિવસ દરમિયાન બાળકોને શુ શિક્ષણ આપે છે તેનું રિપોર્ટિંગ BRC અને CRC એ કંટ્રોલ રૂમમાં કરવાનું રહેશે. આ રિપોર્ટ આધારે જે સ્કૂલમાં નબળી શિક્ષણ કામગીરી હશે તે સ્કૂલના શિક્ષકો સામે પગલાં ભરવામાં આવશે. સ્કૂલના તમામ અભ્યાસક્રમ અને બાળકોના ગુણાકનું પણ મોનીટરીંગ કરવામાં આવશે.