ગુજરાત વિધાનસભાનું બજેટ સત્ર જુલાઈના પ્રથમ સપ્તાહમાં મળશે

ગાંઘીનગર: લોકસભાની ચૂંટણીને કારણે રાજ્ય સરકારે લેખાનુદાન અંદાજપત્ર રજુ કર્યુ હતુ. પરંતુ હવે ચૂંટણીની આચારસંહિતા પુર્ણ થતા રાજ્ય સરકાર જુલાઇ માસના પ્રથમ અઠવાડીયામાં બજેટ સત્ર યોજશે. આ સત્રમાં રાજ્ય સરકાર દ્વારા બાકીના 9 મહિના માટેનુ બજેટ રજુ કરવામાં આવશે.

જુલાઇ માસના પ્રથમ સપ્તાહમાં યોજાનાર વિધાનસભાનું સત્ર 19 થી 23 દિવસનુ રહેશે. જ્યારે અંદાજપત્રની માગણી અને ચર્ચા માટે 12 દિવસ ફાળવવામાં આવશે. વિધાનસભાના સત્રમાં 5 દિવસ સુધારેલા અંદાજપત્ર પર ચર્ચા કરવામાં આવશે. જ્યારે 3 દિવસ સરકારી કામો અને વિધાયકો પસાર કરવામાં આવશે. જુલાઇ માસના પ્રથમ સપ્તાહમાં મળનાર સત્રને કારણે સરકારના વિવિધ વિભાગોમાં ઘમઘમાટ જોવા મળી રહ્યો છે. આ બજેટ સત્રમાં ખેડૂતોના પાક મુદ્દે, પાક વિમા, મહિલાઓના પ્રશ્નો, રોજગારીનો મુદ્દાને મહત્વ આપવામાં આવશે. લોકસભાની ચૂંટણી હોવાને કારણે ફેબ્રુઆરીમાં 7 દિવસનું જ બજેટ સત્ર મળ્યુ હતુ.