બોટાદના બરવાળા ગામે રિક્ષા અને પોલીસવાન વચ્ચે અકસ્માત, 2ના મોત, 3 ઘાયલ

બોટાદઃ જિલ્લાના બરવાળા ગામની સાળંગપુર ચોકડી પાસે પીયાગો રિક્ષા અને પોલીસવાન વચ્ચે ગમખ્વાર અકસ્માત સર્જાયો હતો. આ અકસ્માતમાં કુલ પાંચ વ્યક્તિઓને સારવાર માટે બોટાદ સબીહા હોસ્પિટલમાં ખસેડવામાં આવ્યાં હતાં. જે પૈકી એક વ્યક્તિનું સારવાર દરમિયાન જ મોત થયું છે, તેમજ બીજા વ્યક્તિની તબિયત ગંભીર હોવાથી તેને વધુ સારવાર માટે ભાવનગર લઈ જતા રસ્તામા મૃત્યુ થયું છે. હાલ સારવાર હેઠળ રહેલા ત્રણ વ્યક્તિોઓની હાલત પણ ગંભીર હોવાની જાણકારી મળી છે.

આ અકસ્માતની જાણ થતાં બોટાદ પોલીસ સ્ટેશનનો પૂરો સ્ટાફ સબીહા હોસ્પિટલમાં પહોંચ્યો હતો. સાથે જ અકસ્માતની જાણ થતા લોકોના ટોળા પણ સબીહા હોસ્પિટલમાં એકઠા થયા હતા. જો કે, હજુ સુધી આ અકસ્માતનું કારણ જાણવા મળ્યુ નથી. જેથી આ અકસ્માત અંગે બોટાદ પોલીસ દ્વારા ઘાયલ વ્યક્તિઓના નિવેદન લઇ આગળની તપાસ હાથ ધરવામાં આવી છે.

અકસ્માતમાં મૃત્યુ પામેલ:
1. મેઘુભાઈ ફલજીભાઈ (ઉ.વ.55)
2. મમદભાઈ અહેમદશા (ઉ.વ.50)

હાલ સારવાર હેઠળ રહેલા વ્યક્તિઓ:
1. જનકભાઈ મનુભાઈ
2. જગદીશભાઈ મેઘુભાઈ
3. મહંમદ ઈરફાન