ભાવનગર: ભાવનગર ડમીકાંડમાં મુખ્ય બે આરોપી શરદ પનોત અને પ્રકાશકુમાર ઉર્ફે પી.કે કરશનભાઇ દવે ડમીકાંડ આચરતા હોય અને તેને ઝડપીને આપેલી કબૂલાત બાદ 36ના નામો સામે આવ્યા છે. પોલીસે મુખ્ય આરોપી બાદ ડમી અને સાચા પરિક્ષાર્થીઓને મળીને છને ઝડપી લીધા બાદ આગળ રચાયેલી SIT દ્વારા અમરેલીમાં ધામાં નાખવામાં આવ્યા છે.
11 વર્ષના કાંડમાં તપાસનો દોર: ભાવનગરમાં 2012 થી શરદ ભાનુશંકર પનોત દ્વારા જાતે ડમી તરીકે પરીક્ષા આપ્યા બાદ ડમી ઉમેદવારો શોધીને ગેરકાનૂની ધંધાને વેગ આપ્યો હતો. જેમાં સૌથી વધુ ડમી તરીકે પરીક્ષા આપનાર મિલાન ઘુઘાભાઈ બારૈયા સરતાનપરવાળો છે. જોનકે પોલીસે હજુ તેની અટકાયત નથી કરી. પરંતુ મુખ્ય આરોપી શરદ પનોત, પ્રકશકુમાર ઉર્ફે પી કે દવે, બળવંત રમેશ રાઠોડ જે શરદ અને પી કે લેપટોપમાં બોગસ રસીદો બનાવતો હતો. આ સાથે પ્રદીપ નંદલાલ બારૈયા જે જેસર કોર્ટમાં ક્લાર્ક તરીકે ફરજ બજાવતો તેને ઝડપી લીધા છે બાદમાં ડમી સંજય હરજી બારૈયા અને મૂળ પરિક્ષાર્થી અક્ષર બારૈયાને ઝડપી લીધા બાદ અન્યને ઝડપવા ચક્રોગતિમાન SIT ની રચાયેલી ટીમ દ્વારા કરવામાં આવ્યા છે.
SIT ની ટીમ અમરેલી પહોંચી: SIT ની રચના બાદ અલગ અલગ બનાવેલી ટીમો અલગ અલગ સ્થળો પર તપાસ કરી રહી છે. એક ટીમ અમરેલીના દુધાળા ગામે આવેલી શ્રી પ્રગતિ હાઈસ્કૂલમાં તપાસમાં પોહચી હતી. પોલીસે અમરેલીમાં જ્યાં જ્યાં ડમી વિદ્યાર્થીઓ પરીક્ષામાં બેઠા હતા તે કેન્દ્રોની તપાસ હાથ ધરી છે. જો કે સરકારની સ્પર્ધાત્મક પરીક્ષાઓમાં CCTV શૂટિંગ પણ રાખવામાં આવતું હોય છે. આ સાથે આવેલા પરિક્ષાર્થીઓના ડેટા પણ હોય શકે છે.બત્યારે SIT ટીમ દ્વારા તપાસ અલગ અલગ કેન્દ્રો પર કરવા પોહચી છે. 17 તારીખના રોજ SIT ટીમ અમરેલીમાં ધામાં નાખ્યા છે. ત્યારે વધુ ડમી તરીકે પરીક્ષા આપનાર મિલન બારૈયા સરતાનપરવાળો પોલીસના હાથવેંતમાં હોવાની ચર્ચા વચ્ચે હજુ અટકાયત 17 તારીખની સાંજના 6 કલાક સુધી કરવામાં આવી ન હતી.
ડમીકાંડમાં કેટલા લોકોની શકયતા?: ભાવનગર ડમીકાંડમાં નોંધાયેલી ફરિયાદમાં બળદેવ રમેશ રાઠોડ દ્વારા આપેલા નિવેદનમાં જણાવવામાં આવ્યું છે કે, 'શરદ પનોત અને પ્રકાશ ઉર્ફે પી કે કરશન દવેના લેપટોપમાં 70 થી 80 હોલ ટીકીટ અને આધારકાર્ડના મૂળ ફોટાઓ અને અને ડમીના ફોટાઓ બદલવાના ફોટોશોપના આધારે કામ કર્યું હોવાનું જણાવ્યું છે. નોંધાયેલી ફરિયાદમાં માત્ર 36 નામો છે અને તેમાં પણ કેટલાક નામો નથી અનામી છે કારણ કે પકડાયેલા આરોપીઓ હવે નામ પણ ભૂલી ગયા છે. 11 વર્ષના ડમીકાંડમાં આખરે કેટલા લોકોએ સરકારને છેતરીને નોકરી મેળવી તેનો ચોક્કસ તાગ મેળવવો ખૂબ કઠિન છે. જો કે હાલ SIT ટીમ તપાસમાં લાગી છે ત્યારે કેટલા ડમીકાંડમાં ફસાયેલા છે તેના કોલર સુધી પોહચી શકે તે જોવાનું રહેશે.'
17 તારીખે SIT નો વધુ એક ઘટસ્ફોટ: ભાવનગર SIT દ્વારા જાહેર કરવામાં આવ્યું હતું કે ડમીકાંડમાં ફિલિપાઇન્સમાં મેડિકલનો અભ્યાસ કરતો દેવર્ષિની ધોરણ 12ની ફિઝિક્સનું પેપર ડમી ઉમેદવારે આપ્યું હતું. દેવર્ષિન ધોરણ 12ની પરીક્ષા આપવી હતી.આથી ફિઝિક્સની પરીક્ષા માટે તેણે તેના પિતા દશરથભાઈ કે જે શિક્ષક છે તેને જણાવીને પ્રકાશ એટલે પી કે કરશન દવેનો કોન્ટેક્ટ કર્યો હતો. પી કે અને શરદને કહેવાયું હતું કે તમારો મિલન ધુધા ફિઝિક્સમાં હોશિયાર છે. આથી શરદના કહેવાથી દેવર્ષિની જગ્યાએ ધોરણ 12 ની ફિઝિક્સની પરીક્ષાનું પેપર આપ્યું હતું.
