કોમ્પલેક્ષના બેઝમેન્ટ ચોતરફ પાણીઃ તંત્ર લાપરવાહ, દુર્ઘટના બને તો જવાબદાર કોણ?

ભાવનગરઃ શહેરના રૂપમ ચોકમાં આવેલા બિઝનેસ સેન્ટરમાં બે માસથી બેઝમેન્ટમાં પાણી ભરાવાને કારણે આરોગ્ય અને બિલ્ડીંગની ટકવાની ક્ષમતા સામે ખતરો ઉભો થયો છે. ગંગાજળિયા તળાવની પાળે બિલ્ડીંગ હોવાથી દર વર્ષે પાણી ભરાય છે. આ વર્ષે બિલ્ડીંગના દુકાનદારોએ પૈસા ખર્ચનું બંધ કર્યું અને મનપા કોઈ ધ્યાન આપતી નથી. તેથી પાણી સતત ભરાયેલા છે અને ભગવાનનું મંદિર અને ભગવાન પણ બેઝમેન્ટમાં આવેલા પાણીમાં ગરકાવ છે.

ભાવનગરના કોમ્પ્લેક્સ માટે મંજૂરી આપ્યા બાદ તેના દ્વારા નિયમોનુ પાલન કરવામાં આવે છે કે કેમ? તેની કાળજી નથી બિલ્ડર લેતા કે નથી મંજૂરી આપનાર મનપા કે પછી બિલ્ડિંગમાં રહેનાર વ્યક્તિઓ. ભાવનગરના બિઝનેસ સેન્ટરના બેઝમેન્ટમાં પાણી ભરાયા છે, પરંતુ આ માટે કોઈ જવાબદારી લેવા તૈયાર નથી.

બેઝમેન્ટમાં પાણી 2 ફૂટથી વધુ હોવાથી પાર્કિંગ થતું નથી અને સતત પાણી ભરાવાને પગલે બિલ્ડિંગની ગુણવત્તા પણ ઘટી રહી છે. બિલ્ડિંગમાં 200થી વધુ દુકાનો છે, પરંતુ ન તો દુકાનદાર આ સમસ્યા દૂર કરવા તૈયાર છે, ન તો મહાનગરપાલિકા આ સમસ્યાના સમાધાન માટે તૈયાર છે. કારણ કે બિલ્ડીંગ ગંગાજળિયા તળાવની પાળે આવેલું છે.

બિઝનેસ સેન્ટરમાં આવેલા દુકાનદારોને દર વર્ષે પાણી કાઢવા માટે નાણાં ખર્ચ કરવા કરે છે. મનપાની જવબદારી ન હોવાનું કહીને કેમેરાથી દૂર ભાગી રહ્યાં છે. મેયર પણ બિલ્ડીંગનો પ્રશ્ન કોર્ટમાં હોઈ તેથી શક્ય નોટીસો આપવામાં આવતી હોવાનું જણાવીને હાથ ઊંચા કરી રહ્યા છે. બેઝમેન્ટમાં પાણી ભરાયેલા છે ત્યારે બેઝમેન્ટમાં જતા માર્ગમાં દબાણ હાલ મનપાએ દૂર કર્યું છે, પણ પાણી સમસ્યા હલ કરી નથી. મેયરના જવાબ સ્પષ્ટ છે કે પાણી ભલે ગંગાજળિયા તળાવનું હોઈ પણ હટાવવાનું કામ મનપા કરશે નહીં.

કોમ્પલેક્ષના બેઝમેન્ટ ચોતરફ પાણી - તંત્ર લાપરવાહ, દુર્ઘટના બને તો જવાબદાર કોણ?

બિઝનેસ સેન્ટર એક ઉદાહરણ છે પણ આવા અનેક બિલ્ડીંગો છે કે, જેમાં ક્યાંક કચરો તો ક્યાંક ગંદકીના થર છે. ત્યારે સ્વચ્છ ભારતની વાત અને પ્રજાની ચિંતાની વાત કરનારા શાસકો ક્યાંકના દાવા પોકળ સાબિત થઈ રહ્યા છે.