- હજીરા થી ઘોઘા આવતી રો રો ફેરીમાં એક વૃદ્ધએ દરિયામાં જંપલાવ્યું
- ઘોઘા ટર્મિનલ નજીક દરિયામાં વૃદ્ધ એ ઝંપલાવ્યું
- બટુકભાઈ વીઠ્ઠલભાઈ સુતરીયા ઉ .૬૯ નામના વૃદ્ધએ દરિયામાં ઝંપલાવ્યું
- દરિયામાં વૃદ્ધની શોધખોળ હાથ ધરવાની પ્રક્રિયા હાથ ધરવામાં આવી
- મરીન પોલીસ ઘટના સ્થળ પર જઈ તપાસ હાથ ધરી
ભાવનગર : હજીરાથી ઘોઘા તરફ આવી રહેલી રોપેક્ષ ફેરી સર્વિસમાં પ્રવાસ કરી રહેલા એક વૃદ્ધ પ્રવાસીએ ઘોઘા બંદરથી થોડે દૂર જાહજ પરથી દરિયામાં જંપલાવતા જહાજ સંચાલકોમાં દોડધામ મચી ગઈ હતી. આ ઘટનાની જાણ મરીન પોલીસને કરવામાં આવતા મરીન પોલીસે દરિયામાં જંપલાવેલા વૃદ્ધની શોધખોળ હાથ ધરી છે.
આ પણ વાંચો - રો રો ફેરીમાં બની દુર્ધટના ટ્રક થયો દરીયામાં ગરકાવ
રો રો ફેરી જહાજમાંથી વૃદ્ધે દરિયામાં ઝંપલાવ્યું
ઘોઘા ખાતે આવેલી રોપેક્ષ ફેરી સર્વિસ શનિવારની સવારે હજીરાથી ઘોઘા તરફ આવી રહ્યું હતું, તે સમયે ઘોઘા બંદરથી થોડે દૂર દરિયામાં જહાજ પર સવાર એક વૃદ્ધ પ્રવાસીએ અચાનક જહાજ પરથી દરિયામાં જંપલાવી આત્માહત્યા કરી હોવાની ઘટના સામે આવી છે. મળતી માહતી અનુસાર જહાજ પરથી કોઈ વૃદ્ધ પ્રવાસી દરિયામાં જંપલાવ્યાની જાણ જાહજ પરના સંચાલકોને થતાં સંચાલકોમાં દોડધામ મચી ગઇ હતી. આ ઘટના અંગે ઘોઘા મરીન પોલીસને જાણ કરવામાં આવતા મરીન પોલીસ દ્વારા દરિયામાં આ વૃદ્ધની શોધખોળ કરવામાં આવી રહી છે. આ ઉપરાંત જહાજ પર વૃદ્ધની સાથે રહેલા પરિવારની પણ પૂછપરછ પણ પોલીસ દ્વારા હાથ ધરવામાં આવી છે, કે દરિયામાં આ વૃદ્ધ અકસ્માતે દરિયામાં પડી ગયા કે, પછી આત્મહત્યા કરી છે આ અંગે વધુ તપાસ હાલ કરવામાં આવી રહી છે.
આ પણ વાંચો - PM મોદીનો ડ્રીમ પ્રોજેક્ટ રો-રો ફેરી બંધ થવાના માર્ગે, કંપનીએ પેસેન્જર જહાજ વહેંચવા કાઢ્યું
ભાવનગરના વૃદ્ધે દરિયામા ઝંપલાવ્યું
સુરતના હજીરા બંદરથી રો રો ફેરી જ્યારે ઘોઘા આવી રહી હતી, ત્યારે પીરમબેટ અને ઘોઘાના દરિયામાં આવતી ચેનલમાં જ્યારે રો રો ફેરી પહોંચી, ત્યારે ફેરીમાં બેેઠેલા બટુક સુતરીયા નામના 79 વર્ષીય વૃદ્ધે દરિયામાં ઝંપલાવ્યું હતું. આ બનાવની જાણ થતા જ રો રો ફેરીના સંચાલકો દ્વારા થોડા સમય માટે રો રો ફેરીને ઉભી રાખી દેવામાં આવી હતી અને આ ઘટના અંગેની જાણ ઘોઘા મરીન પોલીસને કરવામાં આવી હતી. આ બનાવને લઇ ઘોઘા મરીન PSI એન. એમ. મંડેરા સહિતનો સ્ટાફ ઘોઘા ટર્મિનલ ખાતે પહોંચી ગયો હતો. તેમજ દરિયામાં બોટ દ્વારા આ વૃદ્ધના મૃતદેહની શોધખોળ હાથ ધરવામાં આવી હતી. અગમ્ય કારણસર દરિયામાં ઝંપલાવનારો આ વૃદ્ધ ભાવનગરનો રહેવાસી હોવાનું જાણવા મળ્યું છે.
આ પણ વાંચો - આશીર્વાદરૂપ બની રહી છે રો રોપેક્ષ ફેરી સર્વિસ, રો રો ફેરીમાં 8 કન્ટેનરો પહોંચ્યા ભાવનગર
