આ પરિવારે ભારતીય સંસ્કૃતિની જાળવણીનું ઉદાહરણ પુરુ પાડ્યુ છે. સંસ્કૃત સંભાષણનો પ્રારંભ 1997થી તેઓ કરી રહ્યા છે અને તેનો પ્રચાર પ્રસાર દેશ અને વિદેશોમાં પણ કરી ફરી ભારતને વિશ્વગુરુના સ્થાને પહોંચાડવા પ્રયાસ કરી રહ્યા છે. આવા ભાવનગર જીલ્લાના પાંચ પરિવારો આજે સંપૂર્ણ સંભાષણ સંસ્કૃતમાં કરી રહ્યા છે જે ગોહિલવાડ માટે ગૌરવની વાત છે.
દેવભાષા સંસ્કૃતનો સંભાષણમાં ઉપયોગ કરતો પરિવાર
વિશ્વમાં અનેક પ્રકારની સમસ્યા જોવા મળી રહી છે. આ તમામ સમસ્યાનું સમાધાન વર્ષો પહેલા આપણા વેદગ્રંથોમાં ઋષીઓ એ આપ્યું હતું. પરંતુ વિદેશી શાસનોમાં ભારતીય સંસ્કૃતિને અસ્ત કરવા આપણી ભાષાનો નાશ કરવામાં આવ્યો અને વેદ્ભાષા સંસ્કૃતથી આપણને દુર કરી દેવાયા. ત્યારે ફરી એક વાર આ પરિવાર સંસ્કૃત ભાષા પ્રત્યે લોકોમાં જાગૃતિ લાવવાના પ્રયાસો કરી રહ્યો છે.
