ભરૂચમાં છેલ્લા બે થી ત્રણ દિવસથી વરસાદી માહોલ જોવા મળી રહ્યો છે. ત્યારે શનિવારે સવારના સમયે શહેરના લાલ બજાર હાજીપીર કીરમાણી વિસ્તારમાં બે માળનું કાચું મકાન અચાનક જ ધરાશાયી થઇ ગયું હતું.
લાલબજાર વિસ્તારમાં બે માળનું મકાન જમીનદોસ્ત
આ બનાવની જાણ થતા જ ભરૂચ નગર સેવા સદનનાં ફાયર વિભાગની ટીમ ઘટના સ્થળે પહોચી હતી અને કાટમાળ હટાવવાની કામગીરી કરી રહી હતી. દરમિયાન મકાનની અન્ય એક દીવાલ અચાનક ધરાશાયી થતા દોડધામ મચી ગઈ હતી. દીવાલ ધરાશાયી થતા ફાયર વિભાગની ટીમના બે જવાનો ઈજાગ્રસ્ત થયા હતા. જેઓને તાત્કાલિક સારવાર અર્થે ભરૂચ સિવિલ હોસ્પિટલમાં ખસેડવામાં આવ્યા હતા
