ભરૂચમાં વિવિધ સંસ્થાના પ્રતિનિધિઓેએ ટ્રાફિક નિયમોની જાગૃતિ માટે નવતર અભિગમ હાથ ધર્યા છે. જેમાં ગાંધી જયંતી નિમિત્તે બાપુની વેશભૂષા ધારણ કરી હેલમેટ પહેરી લોકોમાં સલામતી અંગે જાગૃતિ લઇ આવવાનો પ્રયાસ કર્યો હતો.
ભરુચમાં બાપુની વેશભૂષા ધારણ કરી હેલમેટ સાથે લોકોમાં જાગૃતિ લઇ આવવાનો અનોખો પ્રયાસ
લોકોની સલામતીને ધ્યાનમાં લઇને કેન્દ્ર સરકાર દ્વારા ટ્રાફિકના નવા નિયમો અમલમાં મુકવામાં આવ્યા છે. જેનાથી અકસ્માતની સંખ્યામાં ઘટાડો થાય અને લોકોના જીવને બચાવી શકાય, ત્યારે આજે મહાત્મા ગાંધીની જન્મ જયંતી નિમિત્તે ભરૂચની વિવિધ સ્વેચ્છીક સંસ્થાના પ્રતિનિધિઓ દ્વારા લોકોમાં જાગૃતતા લઇ આવવા માટે નવતર અભિગમ હાથ ધરવામાં આવ્યો હતો. જેમાં સંસ્થાના સભ્યોએ ગાંધીજીની વેશભૂષા ધારણ કરી હતી અને હાથમાં હેલમેટ લઇ મુખ્ય માર્ગ પર પહોચી અને લોકોને હેલમેટ પહેરવા જાગૃત કર્યા હતાં.
