અયોધ્યામાં રામ મંદિરનું ભૂમિપૂજનઃ ભરૂચ વિશ્વ હિંદુ પરિષદ દ્વારા ઉજવણી કરાઈ

પાવનપૂરી અયોધ્યામાં રામ મંદિરનું સ્વપ્ન હવે સાકાર થવા જઈ રહ્યું છે. ત્યારે વડાપ્રધાન મોદી દ્વારા રામ મંદિરનું ભૂમિ પૂજન થતા જ ભરૂચ વિશ્વ હિંદુ પરિષદ દ્વારા ઉજવણી કરવામાં આવી હતી.

ભરૂચ: અયોધ્યામાં નિર્માણ પામનારા ભવ્ય રામ મંદિરનું ભૂમિપૂજન થતા ભરૂચ વિશ્વ હિંદુ પરિષદ દ્વારા ઉજવણી કરવામાં આવી હતી.

પાવનપૂરી અયોધ્યામાં રામ મંદિરનું સ્વપ્ન હવે સાકાર થવા જઈ રહ્યું છે. આ સ્વપ્ન માટે વર્ષોથી સંઘર્ષ કરનારા વિશ્વ હિંદુ પરિષદ દ્વારા ઉત્સવ મનાવવામાં આવ્યો હતો. પી.એમ.મોદી દ્વારા રામ મંદિરનું ભૂમિ પૂજન થતા જ ભરૂચ વિશ્વ હિંદુ પરિષદ દ્વારા ઉજવણી કરવામાં આવી હતી.

શક્તિનાથ ખાતે વિશ્વ હિંદુ પરિષદના આગેવાનો અને કાર્યકરોએ ભગવાન રામનું પૂજન અર્ચન કરી ફટાકડા ફોડી મીઠાઈ વહેચી હતી.

આ કાર્યક્રમમાં ભરૂચ નગર સેવા સદનના પ્રમુખ સુરભી તમાકુવાલા, વિશ્વ હિંદુ પરિષદના ગીરીશ શુક્લ, બીપીન પટેલ તેમજ કાર્યકરો જોડાયા હતા.