ભરુચ : અંકલેશ્વરના દિવા રોડ ઉપર મંગલમૂર્તિ પાર્કમાં રહેતા પ્રદીપભાઈ દોશી અંકલેશ્વરના પાનોલીની પ્રાથમિક શાળામાં શિક્ષક તરીકે ફરજ બજાવે છે.
કોરોના વાઈરસને ફેલાતો અટકાવવા લૉકડાઉન કરવામાં આવ્યું છે.
લૉકડાઉનના પગલે સ્કૂલોને બંધ રાખવામાં આવી છે. જેને લઇ તેમણે પોતાના સ્વભાવ મુજબ ફાજલ સમય લોકજાગૃતિ માટે ઉપયોગ કર્યો છે.
લોકોને શબ્દો દ્વારા કોરોનાની જાગૃતિ લાવવાના બદલે તેમણે નક્કી કર્યું કે તેમણે દોરેલા ચિત્રો દ્વારા કઈ રીતે લોક જાગૃતિ લાવી શકાય.
તેઓએ કરોના વાઈરસ બાબતે લોકોમાં જાગૃતિ આવે એ પ્રકારના વિવિધ સુંદર ચિત્રો તૈયાર કરી સરાહનીય કાર્ય કર્યું છે.
