- સમગ્ર વિશ્વમાં જંગલોના વિનાશથી પક્ષીઓની સંખ્યામાં ઘટાડો
- યુવક દ્વારા 12 વર્ષથી કબૂતરોની સેવા કરવામાં આવે છે
- વિદેશી કબૂતરોનો પણ અનોખો શોખ
બનાસકાંઠા: દરેક યુવાનો આજે પોતાના અલગ-અલગ શોખ દર્શાવતા હોય છે, મોટાભાગના યુવાનો આજે પોતાનામાં રહેલી સુષુપ્ત શક્તિઓને કારણે આજે દેશનું નામ રોશન કરી રહ્યા છે. દરેક યુવાનો પાસે કંઈક અદ્ભૂત શક્તિઓ રહેલી હોય છે અને જેના કારણે તેઓ દેશનું નામ રોશન કરી રહ્યા છે. મોટા મોટા શહેરોમાં આજે યુવાનો પોતાના શોખ પુરા કરવા માટે મોટા પ્રમાણમાં પૈસાનો વ્યક્ત કરતાં હોય છે, પરંતુ આજે પણ એવા કેટલા યુવાનો છે કે જેમને પોતાનામાં રહેલી અદભુત શક્તિઓના આધારે આજે વિવિધ ક્ષેત્રે પોતાનું નામ રોશન કરી રહ્યા છે.
સમગ્ર વિશ્વમાં જંગલોના વિનાશથી પક્ષીઓની સંખ્યામાં ઘટાડો
સતત વધતા જતા ઉદ્યોગોના કારણે મોટાભાગના જંગલોનો વિનાશ થઈ રહ્યો છે, આજે લોકો પૈસા કમાવાની લ્હાયમાં રોજેરોજ મોટા પ્રમાણમાં વૃક્ષોનું નિકંદન કરી રહ્યા છે. જેના કારણે પક્ષીઓની સંખ્યામાં પણ સતત ઘટાડો જોવા મળી રહ્યો છે, આજે ભારત દેશમાં પણ મોટાભાગના પક્ષીઓ લુપ્ત થતા જોવા મળી રહ્યા છે. જે પ્રમાણે હાલમાં ભારત દેશમાં સતત જંગલોમાં રહેલા વૃક્ષોની સંખ્યામાં ઘટાડો થઈ રહ્યો છે. તેના કારણે અત્યાર સુધી અનેક પશુ-પક્ષીઓની પ્રજાતિઓ લુપ્ત થતી જોવા મળી રહી છે અનેક સંસ્થાઓ દ્વારા આજે લુપ્ત થતી જતી પશુ પક્ષીઓને બચાવવા માટે અભિયાન પણ શરૂ કરવામાં આવ્યાં છે. મોટાભાગના પક્ષીઓ જેવા કે હાલમાં સૌથી વધુ લોકોને કલરવ કરતી ચકલી હાલમાં ઓછી સંખ્યામાં જોવા મળી રહી છે. સતત જંગલોના વિનાશથી અનેક પશુ પક્ષીઓના રહેઠાણ ન રહેતા તેમની સંખ્યામાં સતત ઘટાડો જોવા મળી રહ્યો છે.
આ પણ વાંચો:હૃદય દ્રાવક ઘટનાઃ પાકિસ્તાનથી કચ્છ આવેલા 'ગુલાબી ધોમડો' પક્ષીઓના 25 હજાર ઈંડા પર બુલડોઝર ફેરવાયું
ડીસાના યુવાનનો 12 વર્ષથી અનોખો શોખ
આજે યુવાનો પક્ષી પ્રેમ તરફ વળી રહ્યા છે, ડીસાના રિજમેન્ટ વિસ્તારમાં રહેતા વિશાલ ઠાકોર નામના યુવકનો અનોખો શોખ જોવા મળી રહ્યો છે. આ યુવકમાં છેલ્લા 12 વર્ષથી કબૂતર પ્રત્યે પ્રેમ અને લાગણી જોવા મળી રહી છે. બાર વર્ષના સમયગાળા દરમિયાન આ યુવકે અત્યાર સુધી સૌથી પણ વધુ કબુતર પાળી અને તેની સેવા ચાકરી કરી રહ્યો છે. જે યુવકોને પોતાના માટે સમય નથી હોતો ત્યારે આ યુવક કબૂતરોને પોતાનો સમય આપી રહ્યો છે. આ યુવક અને તેનો આખો પરિવાર રોજ કબુતરની સેવા ચાકરી માટે દિવસભર તેમની પાસે રહે છે. કબૂતર અને આ યુવકએ રીતે રહે છે કે જાણે પરિવારના સભ્યો એક ઘરમાં રહેતા હોય. બાર વર્ષથી આ યુવકમાં કબૂતર પ્રત્યે પ્રેમ ભાવના જોવા મળી રહી છે.
યુવક દ્વારા 12 વર્ષથી કબૂતરોની સેવા કરવામાં આવી રહી છે
ડીસાના રિજમેન્ટ વિસ્તારમાં રહેતા યુવક વિશાલ ઠાકોરને નાનપણથી જ પક્ષીઓ પ્રત્યે બહુ પ્રેમ અને લાગણી હતી. જેના કારણે તેને પોતાના ઘરને જ પક્ષી ઘર બનાવી દીધું છે. કબૂતર સિવાય પણ તેની પાસે અનેક પક્ષીઓ છે. જેની સેવા પોતાના પરિવારની જેમ આ યુવક હાલમાં કરી રહ્યો છે સવારથી જ આ તમામ પક્ષીઓ વચ્ચે આ યુવક રહેવાની શરૂઆત કરે છે અને તમામ પક્ષીઓને ચણતર રૂપે અલગ-અલગ પ્રકારે દાણાઓ પણ આપે છે છેલ્લા 12 વર્ષમાં તેને સોથી પણ વધુ પક્ષીઓ પાડ્યા છે અને દર મહિને આ તમામ પક્ષીઓ પાછળ 7,000થી પણ વધુનો ખર્ચ આ યુવક કરી રહ્યો છે. આમ તો પક્ષીઓ મોટાભાગે બાજરી અને ઘઉં દાણા ચણતા હોય છે. પરંતુ આ યુવક દ્વારા પોતાના પાસે રહેલા તમામ કબૂતરોને ઋતુ આધારિત ચણતર આપવામાં આવે છે આ તમામ કબૂતરો માટે આ યુવક દ્વારા રહેવાની પણ સુંદર વ્યવસ્થા કરવામાં આવી છે પોતાના ઘરની ચારે બાજુ જ્યાં નજર કરો ત્યાં માત્ર પક્ષીઓ જ નજરે પડી રહ્યા છે, પક્ષીઓના સુંદર કલરવથી પોતાના ઘરનું સમગ્ર વાતાવરણ સુંદર જોવા મળી રહી છે.
આ પણ વાંચો:વિશ્વ ચકલી દિવસ: લુપ્ત થઈ રહેલી ચકલીની પ્રજાતિ બચાવવા યુવાનનું પ્રેરણદાયી કાર્ય
વિદેશી કબૂતરોનો પણ અનોખો શોખ
આ યુવકે અત્યાર સુધી યુરોપ, બાંગ્લાદેશ, પાકિસ્તાન અને ભારત સહિત અન્ય દેશના કબૂતર પણ પોતાની પાસે રાખ્યા છે. મોટાભાગે જ્યાં પણ પક્ષીઓના મેળા લાગે છે ત્યાં આ યુવકની હાજરી ચોક્કસપણે હોય છે અને ત્યાં આ યુવકને જે પણ પક્ષી સારું લાગે છે તે પોતાના ઘરે લાવી તેની સેવા ચાકરીમાં લાગી જાય છે. આ યુવક પાસે દેશ-વિદેશના 50થી પણ વધુ કબૂતરો જોવા મળી રહ્યા છે અને તેમની પાછળ તમામ પ્રકારની સેવાઓ આપી રહ્યા છે. દેશ-વિદેશના પક્ષીઓને રસી આપવી, તેમને ઋતુ આધારિત ચણતર આપવું, તેમના માટે યોગ્ય વાતાવરણ મળી રહે તે માટે ઘર બનાવવા જેવી અનેક બાબતો પર ધ્યાન આપી રહ્યો છે. ત્યારે ચોક્કસથી કહી શકાય કે આજના આ દોડભર્યા સમયમાં આ યુવક અન્ય યુવકોમાં પ્રેરણારૂપ સાબિત થઇ રહ્યો છે.
પક્ષીઓને રહેવા માટે કરાઈ છે સુંદર વ્યવસ્થા
આ અંગે કબૂતર પ્રેમી વિશાલ ઠાકોર ETV BHARAT સાથે વાતચીત કરતાં જણાવ્યું હતું કે, નાનપણથી જ મને પક્ષીઓ પ્રત્યે બહુ પ્રેમ હતો જેના કારણે છેલ્લા 12 વર્ષથી મેં અલગ અલગ જગ્યાએથી અલગ અલગ દેશના કબૂતર લાવી મારા ઘરે રાખું છું અને તેમની સેવાચાકરી પણ સારી રીતે કરું છું અત્યાર સુધી અલગ-અલગ દેશના 100થી પણ વધુ કબૂતરો મારી પાસે છે અને તેમને ચણતર અને રહેવા માટે પણ સુંદર વ્યવસ્થા કરવામાં આવી છે.
