બનાસકાંઠાઃ આંતરરાષ્ટ્રીય સરહદની આસપાસના ગામડાઓની SPએ લીધી મુલાકાત

આંતરરાષ્ટ્રીય સરહદ ધરાવતા બનાસકાંઠાના સરહદી ગામ લોદ્રાણીની પ્રાથમિક સુવિધાઓના જાયજો લેવા માટે SP વિજયસિંહ ગુર્જરે મુલાકાત લીધી હતી. આ મુલાકાત દરમિયાન તેમણે ગ્રામલોકો સાથે ચર્ચા કરી હતી.

• જિલ્લા SPએ સરહદીય ગામડાઓની મુલાકાત લીધી
• આ મુલાકાત દરમિયાન ગ્રામલોકો સાથે કરી ચર્ચા
• ગ્રામલોકોએ SPને જણાવ્યા મુખ્ય પ્રશ્નો

બનાસકાંઠાઃ આંતરરાષ્ટ્રીય સરહદ ધરાવતા બનાસકાંઠાના સરહદી ગામ લોદ્રાણીની પ્રાથમિક સુવિધાઓના જાયજો લેવા માટે SP વિજયસિંહ ગુર્જરે મુલાકાત લીધી હતી. આ મુલાકાત દરમિયાન તેમણે ગ્રામલોકો સાથે ચર્ચા કરી હતી.

ગ્રામલોકો સાથે ચર્ચા

ગ્રામલોકો સાથે ચર્ચા

આ મુલાકાત દરમિયાન SPએ લોદ્રાણી પ્રાર્થમિક શાળાના પ્રાંગણમાં કોરોનાની મહામારીને ધ્યાનમાં લઈ પ્રાથમિક સુવિધાઓની ચર્ચા કરી હતી. જેમાં ગ્રામજનોએ SPને જણાવ્યું હતું કે, છેવાડે આવેલા વિસ્તારોમાં ઉનાળો શરૂ થતાની સાથે જ પીવાના પાણીનો મુખ્ય પ્રશ્ન રહે છે અને અહીંના લોકો ખેતી અને પશુધન સાથે સંકળાયેલા હોવાથી શિયાળુ સિઝનમાં કેનાલોમાં પૂરતું પાણી મળતું નથી. જેથી પશુધનને સાચવવું હાડમારી જેવું લાગે છે. જો, કેનાલનું પાણી પૂરતું મળી રહે તો ઘણીબધી સમસ્યાઓ દૂર થઈ શકે છે.

પીવાના પાણી માટે વલખાં

ગ્રામલોકોએ SPને જણાવ્યું કે, છેવાડાના ગામડાઓમાં ઉનાળામાં પીવાના પાણીની પણ સમસ્યા સર્જાય છે. જેથી લોકોને પાણી માટે વલખાં મારવા પડે છે. આ સાથે જ ગ્રામલોકોએ પીવાના પાણીની વ્યવસ્થા કરવા અંગે SPને રજૂઆત કરી હતી.

પ્રશ્નો સરકાર સુધી પહોંચાડવા આશ્વાસન

SPએ ગ્રામલોકોના પ્રશ્નો સાંભળીને સમસ્યાનું નિરાકરણ લાવવા માટે આશ્વાસન આપ્યું હતું. આ સાથે જ તેમણે ગ્રામલોકોની સમસ્યા સરકાર સુધી પહોંચાડવાની ખાત્રી આપી હતી.