મહારાષ્ટ્રના ચંદ્રપુર-નાગપુર હાઈવે ઉપર પૂર્વ કેન્દ્રીય પ્રધાન હંસરાજ આહીરનો કાફલો પસાર થઈ રહ્યો હતો, ત્યારે સુરક્ષા કાફલામાં તૈનાત સુરક્ષા કર્મીઓના વાહનને કાળમુખી ટ્રક ઘૂસી આવી અથડાતાં અકસ્માત સર્જાયો હતો. જેમા સુરક્ષા કર્મી ફલજીભાઈ ચૌધરીને ગંભીર ઇજાઓ પહોંચતા તેમનું ઘટના સ્થળે મુત્યું થયું હતું. અકસ્માતમાં ચારથી પાંચ અન્ય સુરક્ષા કર્મીઓ ઘાયલ થયા હતાં.
બનાસકાંઠાના વડગામમાં શહીદની ગાર્ડ ઓફ ઓર્નર સાથે કરાઈ અંતિમ વિદાય
આ બનાવના પગલે ભંગરોડીયા ગામમાં પણ શોકની કાલિમા છવાઈ ગઈ હતી. શહીદના પાર્થિવ દેહને માદરે વતન ભાંગરોડિયામાં અંતિમ વિધિ કરાઈ હતી. શહિદના દર્શન કરવા હજારોની સંખ્યામાં લોકો ઉપસ્થિત રહ્યા હતાં. શહીદના અંતિમયાત્રામાં વીર શહીદ અમર રહોના નારાથી ગગન ગુંજી ઉઠ્યું હતું. અંતિમ વિધિમાં સીઆરપીએફના ઓફિસરો, છાપી પોલીસ સહિત જવાનને ગાર્ડ ઓફ ઓનર આપી શ્રદ્ધાજંલી અર્પિ હતી.
