બનાસકાંઠામાં ડીસા પોલીસના PIની અનોખી પહેલ, નિ:શૂલ્ક માસ્ક વિતરણ કરાયું

ડીસા શહેરમાં છેલ્લા ઘણા સમયથી ટ્રાફિકની સમસ્યા સર્જાઇ રહી હતી, જેને લઈને આજે ડીસા ઉત્તર પોલીસના PIએ અનોખી પહેલ કરી હતી. જેમાં તમામ પોલીસ સ્ટાફ સાથે આજે શનિવારના રોજ ઉત્તર પોલીસ હદ વિસ્તારમાં તમામ માસ્ક વગરના લોકોને માસ્કનું વિતરણ તેમજ લારી ગલ્લાવાળાઓને ટ્રાફીકને અડચણરૂપ ન થવા સૂચનાઓ આપવામાં આવી હતી.

• ડીસામાં ટ્રાફિકના કારણે વાહનચાલકો અને રાહદારીઓ પરેશાન
• ડીસા ઉત્તર પોલીસનાં PI દ્વારા સ્ટાફ સાથે રાખી ટ્રાફિકને અડચણરૂપ દબાણો હટાવાયા
• રસ્તાની વચ્ચોવચ દબાણ કરતાં લારી ગલ્લાવાળાઓને અડચણરૂપ થવા બદલ દંડ ફટકારવામાં આવ્યો

બનાસકાંઠા: ડીસાને વેપારી મથક માનવામાં આવે છે. જેના કારણે રોજેરોજ બનાસકાંઠા જિલ્લામાંથી અનેક તાલુકાઓના લોકો ડીસામાં ખરીદી કરવા માટે આવતા હોય છે. બનાસકાંઠા જિલ્લાને અડીને રાજસ્થાન જિલ્લો આવેલો છે, જેના કારણે રાજસ્થાનમાંથી પણ મોટી સંખ્યામાં વેપારીઓ ખરીદી કરવા માટે ડીસા શહેરમાં આવતા હોય છે. રાજસ્થાન અને બનાસકાંઠા જિલ્લામાં સૌથી વધુ હોસ્પિટલો ડીસામાં આવેલી હોવાના કારણે રાજસ્થાનમાંથી મોટી સંખ્યામાં દર્દીઓ ડીસામાં આવતા હોય છે. જેના કારણે રોજેરોજ ટ્રાફિકની સમસ્યા સર્જાતી હોય છે. વારંવાર ટ્રાફિકની સમસ્યાના કારણે કલાકો સુધી લોકોને ટ્રાફિકમાં ફસાવું પડે છે. જેના કારણે છેલ્લા ઘણા સમયથી લોકો ટ્રાફિકની સમસ્યા દૂર કરવા પોલીસ મથક તેમજ જિલ્લા કક્ષાએ રજૂઆત કરવામાં આવી હતી. હાલમાં ડીસા શહેરમાં ઓવર બ્રીજનું કામ ચાલી રહ્યું છે, જેના કારણે આજુબાજુના વિસ્તારોમાં આવતા લોકોના કારણે ટ્રાફિકમાં રોજેરોજ વધારો થઈ રહ્યો છે. ઉપરાંત, લારી ગલ્લાવાળાઓ રોડ પર જ પોતાની લારીઓ રાખતા હોવાના કારણે ટ્રાફિક જામ સર્જાતો હોય છે.

આ પણ વાંચો:પાટણ જિલ્લાના શહેરી અને ગ્રામ્ય વિસ્તારોમાં કોવિડ વિજયરથ દ્વારા જાગૃતિ અભિયાન

ડીસા ઉત્તર પોલીસનાં PI દ્વારા સ્ટાફ સાથે રાખી ટ્રાફિકને અડચણરૂપ દબાણો હટાવાયા

ડીસા શહેર ઉત્તર પોલીસ હદ વિસ્તારમાં છેલ્લા ઘણા સમયથી ટ્રાફિકની સમસ્યા માથાના દુખાવા સમાન બની રહી હતી. આ બાબતે સ્થાનિક લોકો દ્વારા વારંવાર રજૂ કરવામાં આવતા ડીસા શહેર ઉત્તર પોલીસ મથકના PI જે.વાય.ચૌહાણ અને ઉત્તર પોલીસ મથકના સ્ટાફ દ્વારા વહેલી સવારથી જ ટ્રાફિકને અડચણરૂપ તમામ દબાણ હટાવવાની કામગીરી શરૂ કરી હતી સાંઈબાબા બગીચા સર્કલથી જલારામ મંદિર અને જલારામ મંદિરથી ગાયત્રી મંદિર સુધી રોડ પર છેલ્લા ઘણા સમયથી લારી ગલ્લાવાળા અડીંગો જમાવી બેઠા હતા. જેના કારણે આ રોડ પરથી પસાર થતા વાહનચાલકોને ભારે હેરાનગતિનો સામનો કરવો પડતો હતો. આ બાબતની રજૂઆતના પગલે પોલીસ દ્વારા તમામ દબાણ કરીને રોડ પર ઉભા રહેલા લારી ગલ્લા વાળાઓને અડચણરૂપ હતા તેમને દંડ ફટકારવામાં આવ્યો હતો અને બીજીવાર અડચણરૂપ થતા ઝડપાશે તો તમામ મુદ્દામાલ જપ્ત કરવામાં આવશે તેવી સૂચના પણ આપવામાં આવી હતી. રોજેરોજ વાહનચાલકો રોંગ સાઈડમાં પોતાના સાધનો લઈને આવતા હતા તે તમામ લોકોને ઉભા રાખી દંડ કરવામાં આવ્યો હતો, ત્યારે ઉત્તર પોલીસ મથકની આ કાર્યવાહીથી ટ્રાફિકને અડચણરૂપ થતા લોકોમાં ફફડાટ જોવા મળ્યો હતો.

આ પણ વાંચો:સુરતઃ પોલીસ દ્વારા બાબા નગર વિસ્તારમાં ગરીબ લોકોને માસ્કનું વિતરણ