બનાસકાંઠાઃ જિલ્લામાં દિવસે-દિવસે કોરોનાના દર્દીઓની સંખ્યા વધી રહી છે. જિલ્લામાં 13 તારીખે પ્રથમ કોરોના પોઝિટિવ કેસ આવ્યા બાદ 24 દિવસમાં સંખ્યા વધીને 69 થઈ ગઈ છે. જેમાં 5 દિવસ અગાઉ ભાગળ ગામની 65 વર્ષીય મહિલાના મોત બાદ આજે વધુ એક ધાનેરાના યુવકનું સારવાર દરમિયાન મોત થયું છે.
આ શાહરુખ મુસલા નામના યુવકને ગઈકાલે કોરોના પોઝિટિવનો રિપોર્ટ આવ્યા બાદ તેને પાલનપુરની કોવિડ હોસ્પિટલમાં સારવાર માટે દાખલ કરાયો હતો. જ્યાં સારવાર દરમિયાન તેનું આજે મોત થયું હતું.
ઉલ્લેખનીય છે કે, આ મૃતક યુવક ને કોરોનાની સાથે સાથે ડેન્ગ્યુની પણ અસર હતી અને ડેન્ગ્યુમાં તેને પ્લેટલેટ કાઉન્ટ ઘટી જતાં મોત થયું હોવાનું આરોગ્ય વિભાગે જણાવ્યું હતું.
