યાત્રાધામ અંબાજીમાં ચૂંટણીને લઈને CISF જવાનો તૈનાત

અંબાજીઃ આગામી લોકસભાની ચૂંટણીઓ 23 એપ્રિલે યોજાનારી છે. તેને લઇ પોલીસ તંત્ર પણ સજાક બન્યું છે. ચૂંટણી દરમિયાન અસામાજિક તત્વો રંજાડ ન કરે અને ચૂંટણી સુચારૂ રૂપથી પરિપૂર્ણ થાય તે માટે યાત્રાધામ અંબાજીમાં અર્ધલશ્કરી દળના જવાનો દ્વારા ફ્લેગમાર્ચ યોજવામાં આવી હતી.

તે ઉપરાંત CISFના જવાનોએ હથિયારો સાથે અંબાજીના વિવિધ માર્ગો ઉપર પોલીસ સાથે ફ્લેગમાર્ચ યોજી હતી. તેમજ અંબાજી મંદિર પરિષરમાં પણ કાયદો અને વ્યવસ્થા જળવાઈ રહે તેવા પ્રયાસો પોલીસ દ્વારા કરવામાં આવી રહ્યા છે.

અંબાજી પોલીસ સ્ટેશનથી નીકળેલી હથિયાર ધારી અર્ધલશ્કરી દળની ફ્લેગ માર્ચ ખોડિવડલી સર્કલ થઇ મંદિરના મુખ્યમાર્ગો અને મુખ્ય બજારોમાં નિર્ધારિત રુટ ઉપર ફરી હતી.