આ વિસ્તારમાં અમુક જગ્યાએ વરસાદના પડેલા હળવા ઝાપટાંથી ઘાસને લીલોતરીતો ઉગી નીકળી છે, જેને લઇ પશુઓ આ લીલા ઘાસને ચરતા જોવા મળી રહ્યા છે. જ્યારે ખેડૂત આજે પણ માત્ર ખેતરમાં ખેડ કરી જમીન પોચી કરી રહ્ય છે. ખેડૂતોએ બિયારણ નું વાવેતર પણ કર્યું નથી.
અંબાજી દાંતા પંથકમાં પડી રહેલી ગરમીના પગલે બિયારણ બળી જવાના ડરથી વરસાદ પડે પછી જ વાવેતર કરવાની વાત ખેડૂત કરી રહ્યા છે. જોકે અંબાજી પંથકમાં પડેલા પ્રથમ વરસાદી ઝાપટાને લઈ કેટલાક ખેડૂતે બિયારણનો વાવેતર તો કરી નાખ્યું અને સામાન્ય પાક ઊગી પણ ગયો છે, પણ હાલમાં આ વરસાદ ખેંચાતા તે ઉગેલો બિયારણ બળી જવાનો ડર ખેડૂતોને સતાવી રહ્યો છે. જોકે અંબાજી દાંતા પંથકના વરસાદ ગત વર્ષની સરખામણીએ આ વર્ષ વરસાદ મોડો ચોક્કસ પડ્યો છે. જેને લઇ ખેડૂતો પણ મોડા વરસાદને લઇ ચિંતાતુર બન્યો છે. ખેડૂતો માટે મોટા સવાલ ઉભા થયા છે બિયારણ નું વાવેતર ક્યારે કરવું..? અને જે ખેડૂતોએ વાવેતર કરી દીધું છે તો તેને કઈ રીતે ઉગાડવું તે પ્રશ્ન સતત ખેડૂતોને સતાવી રહ્યો છે.
