આ વીડિયો જોતા લાગી રહ્યું છે કે, દુકાનદારે સલીમના વારંવારની હપ્તાની ઉઘરાણીથી ત્રાસી વીડિયો વાયરલ કર્યો છે. આ વીડિયો પરથી લાગી રહ્યું છે કે, સલીમ પોલીસતંત્રની કામગીરીની બારીકાઇથી જાણકારી ધરાવે છે. આ વાઈરલ વીડિયોમાં મોબાઇલની દુકાનમાં રેડ અંગેની માહિતી પણ આપી રહ્યો છે. તદ્ઉપરાંત પોલીસ કર્મચારીઓની ઓળખ પણ આપી રહ્યો છે અને એલ.સી.બી PI રબારી અને ટાઉન પોલીસ ઇન્ચાર્જ પી.એસ.આઈ બ્રહ્મભટ્ટનું સ્પષ્ટ નામ લઈ રહ્યો છે. આ સાથે જ પોલીસ હવે દુકાનદારને હેરાન નહીં કરે તેની બાંહેધરી પણ આપી રહ્યો છે.
વાયરલ વીડિયો
મોડાસામાં બસ સ્ટેન્ડ સામે આવેલા મોબાઇલ બજારમાં ખુલ્લેઆમ ચોરીના મોબાઇલની લે-વેચ થાય છે. જો કે, માહિતી મુજબ આ ધંધો અધિકારીઓની સેંટીગના કારણે થઈ રહ્યો છે.
