મોડાસા પાલિકા ચીફ ઓફિસર અમદાવાદથી પરત ફરતા હોમ ક્વોરેન્ટાઇન કરાયા

કોરોના મહામારીને કારણે કોરોના વિસ્તામાં જઇ પાછા આવતા નાગરિકોને ફરજીયાત 14 દિવસ હોમ ક્વોરેન્ટાઇન કરવામાં આવે છે. જેથી મોડાસાના ચીફ ઓફિસર અમદાવાદ જઇ પરત મોડાસા ફરતા તેમને ક્વોરેન્ટાઇન કરવામાં આવ્યા છે.

અરવલ્લીઃ જિલ્લાના મુખ્ય મથક મોડાસાના ચીફ ઓફિસરને હોમ ક્વોરેન્ટાઇન કરવામાં આવ્યા છે. મળતી માહિતી અનુસાર, તંત્રની મંજૂરી લઈ અમદાવાદ જઇ પરત મોડાસા ફરતા, મોડાસાના ચીફ ઓફિસરને આરોગ્ય વિભાગે હોમ કોરેન્ટાઇન કરાયા છે. મોડાસા નગરપાલિકાના ચીફ ઓફિસર જીગ્નેશ બારોટ અગત્યના કામકાજ અર્થે તંત્રની મંજૂરી લઈ અમદાવાદ તેમના ઘરે ગયા હતા.

મોડાસા નગરપાલિકા ચીફ ઓફિસર અમદાવાદથી પરત ફરતા હોમ ક્વોરેન્ટાઇન કરાયા

મોડાસાના ચીફ ઓફિસર જ્યારે અમદાવાદથી પરત ફર્યા છે, ત્યારે ચીફ ઓફિસરના સરકારી બંગલે આરોગ્ય તંત્રએ પહોંચી તેમની આરોગ્ય ચકાસણી કરી 14 દિવસ માટે હોમ કોરેન્ટાઇન કર્યા છે. વૈશ્વિક મહામારી કોરોના વાઇરસ હાહાકાર મચાવી રહ્યો છે. જેથી પરવાનગી લઇને કોરોના વિસ્તામાં જઇ પાછા આવતા નાગરિકોને ફરજીયાત 14 દિવસ હોમ કવોરેન્ટાઇન કરવામાં આવે છે. જોકે, ઘણા વ્યક્તિ તે બાબતે પણ ગંભીરતા દાખવતા નથી. હાલ શહેરોમાંથી મોટા પ્રમાણમાં લોકો પરવનગી લઇ કે મંજૂરી વિના ગામડામાં પહોંચી રહ્યા છે, ત્યારે આરોગ્ય તંત્ર તમામને હોમ ક્વોરન્ટાઇન કરવામાં નિષ્ફળ નિવડ્યું છે.