ભૂમિપૂજન પ્રસંગે કલેકટર નાગરાજને જણાવ્યું હતું કે મોડાસાના વાહનચાલકોની લાંબા સમયથી CNG પમ્પની માંગણી હતી. જે આજે પૂર્ણ થવાના આરે છે. તેની સાથે ઘરેલુ વપરાશ માટે રાંધણગેસના કનેક્શન માટે ઉપલબ્ધ કરવામાં આવશે. જેનાથી ગેસના બાટલાની ઝંઝટમાંથી મુક્તિ મળશે અને લોકોને 200થી 300 રૂપિયા સુધીની બચત થશે.
મોડાસા ખાતે સાબરમતી ગેસ પમ્પિંગ સ્ટેશનનું ભૂમિપૂજન કરાયું સાબરમતી ગેસ લિમિટેડના એમ.ડી રમણજી એ અરવલ્લી જિલ્લામાં સ્ટેશનની રૂપરેખા આપતા જણાવ્યું હતું કે, વર્ષ 2020 સુધીમાં જિલ્લાના તમામ તાલુકાઓને નેટવર્ક હેઠળ આવરી લેવામાં આવશે. જ્યારે મોડાસા નગરમાં પ્રથમ તબક્કામાં 20,000 ગ્રાહકોને રાંધણ ગેસ કનેક્શન પાઇપ લાઈન મારફતે આપવાનો દ્રઢ નિર્ધાર સાથે કામ કરવામાં આવી રહ્યું છે.ભૂમિ પૂજન પ્રસંગે જિલ્લા વિકાસ અધિકારી ડોક્ટર હર્ષિત ગોસાવી, જિલ્લા સહકારી સંઘના ચેરમેન પ્રભુદાસ પટેલ સહીતના લોકો મોટી સંખ્યામાં ઉપસ્થિત રહ્યા હતા.
