અરવલ્લીથી ચોરાયેલું વાહન મોડાસા પોલીસે રાજસ્થાનમાંથી શોધ્યું

અરવલ્લી જિલ્લાના મોડાસા નગરના ડીપ વિસ્તારમાં આવેલા માર્બલની દુકાન બહાર એક પીકઅપ ડાલુ પાર્ક કરવામાં આવ્યું હતું, જેને શુક્રવારે વહેલી સવારે તસ્કરો ઊઠાવી ગયા હતા. દુકાનમાલિકે આ અંગે મોડાસા ટાઉન પોલીસ સ્ટેશનમાં ફરિયાદ નોંધાવી હતી. પોલીસે વાહનચોરને પકડી પાડવા ચક્રો ગતિમાન કર્યા હતા, જેના પગલે વાહનચોરો રાજસ્થાનમાં પીકઅપ ડાલુ મૂકી ફરાર થઈ ગયા હતા. આ અંગેની જાણ ટાઉન પોલીસને થતા પીકઅપ ડાલુ પરત લઈ આવી તસ્કરોને ઝડપી પાડવા તજવીજ હાથ ધરી હતી.

• અરવલ્લીના મોડાસામાંથી ચોરાયેલી પીકઅપ ડાલુ રાજસ્થાનથી મળ્યું
• ડીપ વિસ્તારમાં માર્બલની દુકાનની બહારથી પીકઅપ ડાલુ થયું હતું ચોરી
• વાહનચોરોને પોલીસની જાણ થતા પીકઅપ ડાલુ મુકી થઈ ગયા ફરાર
  

  અરવલ્લીથી ચોરાયેલું વાહન મોડાસા પોલીસે રાજસ્થાનમાંથી શોધ્યું

મોડાસાઃ અરવલ્લી જિલ્લાના મોડાસામાં આવેલા ડીપ વિસ્તારમાં ભાગ્યોદય માર્બલની દુકાનના પરિસરમાં પીકઅપ ડાલુ પાર્ક કરેલું હતું. આ પીકઅપ ડાલુ શુક્રવારે ન મળતા દુકાનમાલિકે સીસીટીવી ફુટેજ તપાસ્યા હતા. એટલે જાણવા મળ્યું હતું કે, વહેલી સવારે બે તસ્કરો આ પીકઅપ ડાલુ ચોરી ફરાર થઈ ગયા હતા. આ અંગે દુકાનમાલિકે પોલીસ ફરિયાદ નોંધાવી હતી. એટલે પોલીસે શામળાજી રોડ પર લગાવેલા સીસીટીવી કેમેરા તપાસ્યા હતા, જેમાં ચોરો પીકઅપ ડાલુ લઈ રાજસ્થાન તરફ જતા દેખાયા હતા.

તસ્કરો વાહન કેસરિયાજી નજીક અંતરિયાળ વિસ્તારમાં મુકી ફરાર થયા

પીકઅપ ડાલુ રાજસ્થાનના ખેરવાડા વિસ્તારમાં હોવાની બાતમી મળતા ટાઉન પોલીસે ખેરવાડા વિસ્તારમાં ધામા નાખી તપાસ હાથ ધરી હતી. આની જાણ વાહનચોરોને થતા કેસરિયાજી નજીક આંતરિયાળ વિસ્તારના રોડની બાજુમાં ચોરેલા વાહન મૂકી ફરાર થઈ ગયા હતા. પોલીસે ચોરાયેલા પીકઅપ ડાલુ ગણતરીના કલાકોમાં પરત મેળવી લઈ વાહનચોરીના ગુનાનો ભેદ ઉકેલી નાખ્યો હતો. જોકે, વાહનચોર પોલીસને થાપ આપી હોવાથી ઝડપી પાડવા ચક્રો ગતિમાન કર્યા હતા.