બેન્ક ઓફ બરોડા દ્વારા મોબાઇલ ATM મશીન લોન્ચ કરવામાં આવ્યું

લોકડાઉન દરમિયાન ગામડાના લોકોને નાણાંની જરૂરિયાત ઉભી થઈ રહી છે અને તેઓ શહેરમાં આવેલી બેન્કમાં ફક્ત નાણાં ઉપાડવા આવી રહ્યા છે. આ સમસ્યાના સમાધાન રૂપે બેન્ક ઓફ બરોડાએ મોબાઈલ ATM લોન્ચ કર્યુ છે.

મોડાસાઃ ગામડાના લોકોને નાણાં ઉપાડવા શહેરમાં ન આવવું પડે તે માટે અરવલ્લી જિલ્લાની મોડાસાની બેક ઓફ બરોડા શાખા દ્રારા મોબાઇલ ATM મશીન શરૂઆત કરી છે. આ ATM વિશેષ જે ગામડાઓમાં ATMની સુવિધા નથી અને લોકોને મોડાસા અથવા અન્ય નગરોમાં ફક્ત નાણાં ઉપાડવા માટે જવું પડે ત્યાં દર રોજ ચોક્કસ સમય સુધી મુકવામાં આવશે.

આ અંગે માહિતી આપતા જિલ્લા કલેક્ટર અમૃતેશ ઔરંગાબાદકરએ જણાવ્યું હતું કે, બેન્કો તરફથી જો આવી સુવિધા આપવામાં આવતી હોય તો બિન જરૂરી ગામડાના લોકોએ શહેર તરફ ન આવવુ જોઈએ.