અરવલ્લી: જિલ્લામાં તસ્કરોએ ભગવાનના દરબારને પણ છોડવામાં કોઈ જ કસર રાખી નથી. જીતપુર, બિલાડી ઘોડા તેમ જ રાજપુરના મંદિરમાં તસ્કરોએ દાન પેટીમાંથી ચોરી કરીને દાનપેટીને ગામની બહાર ફેંકી દીધી હતી.
અરવલ્લી જિલ્લામાં તસ્કરોએ મંદિરોમાં કરી ચોરી
ચોરીની ઘટના માટે તસ્કરો એક જ રૂટ પસંદ કર્યો હોય તેવું લાગી રહ્યું છે. જીતપુરના મંદિરની દાનપેટીમાં રહેલી થોડી ઘણી રકમ તસ્કરો લઇ ગયા હતા. આ ઉપરાંત બિલાડી ઘોડા ખાતે અંદાજે 45 હજાર જેટલા રૂપિયા તસ્કરો લઇને ફરાર થઇ ગયા હતા. તસ્કરો રાજપુર ગામના મંદિરમાં લગાવેલા CCTV કેમેરામાં કેદ થયા છે
ગત કેટલાય સમયથી તસ્કરો ચોરીની ઘટનાઓને અંજામ આપી રહ્યા છે, ત્યારે લોકોમાં ભયનો માહોલ સર્જાયો છે. પોલીસ નાઈટ પેટ્રોલિંગ કરી રહી હોવાના દાવા કરે છે, પરંતુ તસ્કરો કોઈનો ડર રાખ્યા વિના ચોરી કરીને પલાયન થઈ જાય છે.
