અરવલ્લી જિલ્લાના શામળાજીમાં થોડા દિવસ અગાઉ એક શૈક્ષણિક સંકુલમાં ધો.12માં અભ્યાસ કરતી 3 વિદ્યાર્થીનીઓ શાળામાં પીવાના પાણીની સગવડના હોવાથી સંકુલ બહાર પાણી પીવા ગઈ હતી. તે સમય દરમિયાન આઈ.ટી.આઈમાં અભ્યાસ કરતો ગણપતસિંહ ઇન્દ્રસિંહ જાડેજા આદિવાસી સમાજની ધો.12ની વિદ્યાર્થીનીની ખુલ્લેઆમ છેડતી કરી હતી. તેમજ બિભસ્ત માંગણી કરી હતી.
શામળાજીમાં સગીરાની છેડતી અંગે પરિવારજનોએ કલેક્ટરને રજુઆત કરી
જો કે, વિદ્યાર્થિનીએ પ્રતિકાર કરતા વેણપુરના ગણપતસિંહ ઇન્દ્રસિંહ જાડેજા નામના ઇસમે યુવતીના વાળ પકડી પછાડી દીધી હતી. જેના કારણે યુવતીને સામાન્ય ઇજાઓ પણ થઇ હતી. ત્યારબાદ વિદ્યાર્થિનીએ શામળાજી પોલીસ સ્ટેશને ફરિયાદ નોંધાવતા આરોપીને દબોચી લઈ ગુનામાં વપરાયેલી બાઈક કબ્જે લઈ જેલના સળિયા પાછળ ધકેલી દઇ કાયદેસરની કાર્યવાહી હાથ ધરી હતી.
