અરવલ્લીમાં 19 વર્ષીય યુવતીના મૃત્યુ મામલે કોર્ટમાં જામીન અરજી દાખલ

મોડાસા ગામની 19 વર્ષીય યુવતીના મૃત્યુ મામલે બે આરોપીઓ બીમલ ભરવાડ અને દર્શન ભરવાડે કોર્ટમાં રેગ્યુલર જામીન અરજી દાખલ કરી હતી. જેનો ચુકાદો કોર્ટે ગુરુવાર સુધી અનામત રાખ્યો હતો.

અરવલ્લીઃ જિલ્લામાં 19 વર્ષીય યુવતીના મૃત્યુ મામલે આરોપીઓની રેગ્યુલર જામીનની સુનવણી હાથ ધરવામાં આવતા પીડિત પરિવારના વકીલએ એફિડેવીટ દાખલ કરી આરોપીઓના જામીન ના મંજૂર કરવાની રજૂઆત કરી હતી. ઇન્વેસ્ટીગેટિવ ઓફિસરની એફિડેવિટના પગલે આ અંગેનો ચુકાદો અનામત રાખવામાં આવ્યો હતો.

જો કે, આ કેસનો મુખ્ય આરોપી બિમલ ભરવાડ તપાસમાં સહકાર આપતો ન હોવાથી નાર્કો એનાલીસીસ માટે કોર્ટમાં અરજી કરવામાં આવી હતી. જેની કોર્ટે મંજૂરી આપતા CID ક્રાઇમની ટીમે બીમલ ભરવાડના નાર્કો એનાલીસીસ ટેસ્ટ માટે તજવીજ હાથ ધરી હતી. આરોપીઓના રેગ્યુલર જામીનની સુનાવણી ગુરુવારે હાથ ધરવામાં આવશે.