અરવલ્લી: ગત શનિવારના રોજ આકરૂન્દ ગામની સીમમાં એક મહિલા ઉપર અજાણ્યા ઇસમોએ જીવલેણ હુમલો કરતા ચકચાર મચી હતી. બાયડના વિજયગીરી તેની પત્ની પારૂલબેન સાથે મોટર સાયકલ ઉપર જતા હતો. આ દરમિયાન વિજયગીરી આકરૂન્દ ગામમાં રોડની બાજુમાં મોટર સાયકલ મુકી લઘુશંકા કરવાનું બહાનું કરી તેની પત્નીથી દુર જતો રહ્યો હતો. આ સમયે અમદાવાદના આરોપીઓ અનીલ જયરામ ચૌહાણ અને સચીન રાધેશ્યામ કડિયાએ તિક્ષ્ણ હથિયારથી પારૂલબેનને ગળાના ભાગે ઇજાઓ કરી ફરાર થઇ ગયા હતા.
પોલીસ તપાસમાં હકીકત બહાર આવી હતી કે, મહિલાના પતિએ ગૃહ કંકાસથી કંટાળીને પોતાની પત્નીને મારી નાખવા સોપારી આપી હતી. જેથી પોલીસે ગણતરીના કલાકોમાં હુમલાનો ભેદ ઉકેલી આરોપી પતિ અને સોપરીનું સેટીંગ કરાવનારા વચોટીયાની ધરપકડ કરી હતી. જો કે, હુમલો કરનાર બન્ને આરોપીઓ પોલીસની પકડથી દૂર હતા, પરંતુ પોલીસ ક્રો ગતિમાન કરી બન્ને સોપારી લેનારા આરોપીઓને જેલના હવાલે કર્યા છે.
