આ પ્રસંગે આણંદ જિલ્લા વિકાસ અધિકારી દ્વારા પ્રાસંગિક ઉદ્બોધન આપતા સરકાર દ્વારા મહિલાઓ માટે ચાલુ કરાયેલી યોજનાઓ વિશે માર્ગદર્શન આપ્યું હતું. તેમણે લીલાબેનને અભિનંદન આપતા જણાવ્યું હતું કે, ભારત સરકાર દ્વારા સમગ્ર દેશમાંથી શક્તિશાળી મહિલાઓનું એક લીસ્ટ તૈયાર કરવામાં આવ્યું છે. જેમાં મહિલા આયોગના અધ્યક્ષ લીલાબેનનું નામ પણ સમાવિષ્ટ છે. ઉલ્લેખનીય છે કે, ગુજરાતના ભુતપૂર્વ મુખ્યપ્રધાન આનંદીબેન પટેલનું પણ નામ આ યાદીમાં છે.
આણંદમાં વહીવટી તંત્ર અને રાજ્ય મહિલા આયોગ દ્વારા કાયદા શિબિર અને નારી સંમેલનનું આયોજન
આ પ્રસંગે લીલાબેને મહિલાઓને વિવિધ કાયદાનું તથા સરકાર દ્વારા ચાલુ કરેલી યોજનાઓની વિસ્તૃત જ્ઞાન આપી મહિલાઓને કાયદાકીય રીતે વધુ મજબૂત બનાવવા તથા સરકાર દ્વારા આપવામાં આવતા લાભને લેવા માટે અનુરોધ કર્યો હતો.
