આણંદઃ જિલ્લામાં અમૂલ ડેરીના પરિસરમાં ચૂંટણી પ્રક્રિયા હાથ ધરવામાં આવી રહી છે, જેમાં બ્લોક વાઇસ સોશિયલ ડિસ્ટનસિંગ સાથે મતદાન પ્રક્રિયા હાથ ધરવામાં આવી રહી છે.
આણંદ બેઠક માટે સૌથી વધુ 5 ઉમેદવારોએ ઉમેદવારી નોંધાવી છે. જેમાં ઉમરેઠ અને આણંદ વિધાનસભા બેઠકના ધારાસભ્યો ભાજપના ગોવિંદભાઇ પરમાર અને કૉંગ્રેસના ધારાસભ્ય કાંતિભાઈ સોઢા પરમાર સામસામે ટક્કર થઈ રહી છે. જ્યારે માતર બેઠકમાંથી કેશરીસિહ સોલંકીએ અમૂલ નિયામક મંડળમાં ઝંપલાવ્યું છે.
હાલ અમૂલના પૂર્વ ચેરમેન રામસિંહ પરમાર ઠાસરા બેઠક પર બિન હરીફ આવ્યા છે. આ સાથે જ પૂર્વ વાઇસ ચેરમેન રાજેન્દ્રસિંહ પરમારને બોરસદ બેઠકના અન્ય ઉમેદવારોએ એક દિવસ અગાઉ ટેકો જાહેર કરી દેવામાં આવતા એમની જીત પણ નિશ્ચિત ગણી શકાય.
હવે બાલાસિનોર, આણંદ, માતર, નડિયાદ, કપડવંજ, પેટલાદ, ખંભાત, વીરપુર, મહેમદાવાદ, કઠલાલ બેઠક પર મતદાન પ્રક્રિયા હાથ ધરવામાં આવી રહી છે.
