અમૂલ દૂધના કાઉન્ટર પર N-95 માસ્કનું થશે વેચાણ

કોરોના વાયરસ સામે રક્ષણ આપતું N95 માસ્કનું વેચાણ હવે અમૂલ દ્વારા તેના દૂધના પાર્લર પર કરવામાં આવશે. N95 માસ્ક દરેક અમૂલ પાર્લરમાં વેચાશે જેથી જરૂરિયાતમંદ લોકોને સહેલાઇથી માસ્ક મળી રહે.

આણંદઃ N95 માસ્કની માગમાં સતત થઇ રહેલા વધારાને પહોંચી વળવા અમૂલ દ્વારા એક નવતર પ્રયોગ હાથ ધરવામાં આવ્યો છે. જેથી N95 માસ્ક માત્ર 65 રૂપિયામાં વેચાશે જેથી બજારમાં ગ્રાહકને માસ્ક ખરીદવામાં સરળતા મળી રહે. સરકારની અપીલને માની અમૂલના દરેક પાર્લરમાં માસ્કનું વેચાણ કરાશે.

આ અંગે માહિતી આપતા GCMMFના મેનેજિંગ ડાયરેકટ ડો.આર એસ સોઢીએ જણાવ્યું હતું કે, અમૂલના 2000 પાર્લર પર ટુકજ સમયમાં નો પ્રોફિટનો લોસ સાથે માસ્ક વેચાશે જેમાં N95 માસ્ક ફક્ત 65 રૂપિયામાં અને ત્રણ સ્તર વાળું સાદું માસ્ક ફક્ત 5 રૂપિયામાં ઉપલબ્ધ કરાવવામાં આવશે જેથી કોરોના સામે રક્ષણ મેળવવામાં સરળતા રહે.ગુજરાતના 2000 અમૂલ પાર્લરમાં વેચાશે માસ્ક જેમાંથી 800 ઉપરાંત અમૂલ પાલર ફક્ત અમદાવાદ માજ છે, જેથી ત્યાં પણ માસ્કના વેચાણ અને ઉપયોગમાં વધારો થશે અને લોકોને કોરોના સંક્રમણથી સંભવિત ખતરો ઘટાડી શકાશે.