પશ્ચિમ રેલવેએ ભંગાર વેચીને 230 કરોડ રૂપિયા મેળવ્યા

પશ્ચિમ રેલવે નજીકના ભવિષ્યમાં "મિશન ઝીરો સ્ક્રેપ" અંતર્ગત તમામ રેલવે મથકોને સ્ક્રેપ મુક્ત બનાવવા માટે પ્રતિબદ્ધ છે અને દરેક પ્રયત્નો શક્ય બનાવશે. ઉલ્લેખનીય છે કે વર્ષ 2019-20માં પશ્ચિમ રેલ્વેએ સ્ક્રેપના વેચાણથી રૂપિયા 533.37 કરોડ મેળવ્યા છે. જે ભારતીય રેલ્વેમાં તમામ ઝોનલ રેલ્વેમાં સૌથી વધુ છે. પશ્ચિમ રેલ્વેએ અત્યાર સુધીમાં રૂપિયા 230.31 કરોડના સ્ક્રેપનું વેચાણ કર્યું છે.

● ભારતીય રેલવે માં સ્ક્રેપનો સૌથી મોટો જથ્થો પશ્ચિમ રેલવે એ વેચ્યો

● પશ્ચિમ રેલવે "મિશન ઝીરો સ્ક્રેપ" ના માર્ગે નિરંતર આગળ

● આ વર્ષે 230.31 કરોડનો ભંગાર વેચ્યો

અમદાવાદઃ પશ્ચિમ રેલવે નજીકના ભવિષ્યમાં "મિશન ઝીરો સ્ક્રેપ" અંતર્ગત તમામ રેલવે મથકોને સ્ક્રેપ મુક્ત બનાવવા માટે પ્રતિબદ્ધ છે અને દરેક પ્રયત્નો શક્ય બનાવશે. ઉલ્લેખનીય છે કે વર્ષ 2019-20માં પશ્ચિમ રેલ્વેએ સ્ક્રેપના વેચાણથી રૂપિયા 533.37 કરોડ મેળવ્યા છે. જે ભારતીય રેલ્વેમાં તમામ ઝોનલ રેલ્વેમાં સૌથી વધુ છે. પશ્ચિમ રેલ્વેએ અત્યાર સુધીમાં રૂપિયા 230.31 કરોડના સ્ક્રેપનું વેચાણ કર્યું છે.

● પશ્ચિમ રેલવેની મોટાભાગની ઇમારતો સ્ક્રેપ મુક્ત

ટ્રેક, કોચ, વેગન, લોકોમોટિવ્સ અને પુલોની સમયાંતરે જાળવણીથી સ્ક્રેપ ઉત્પન્ન થાય છે. મિશન ઝીરો સ્ક્રેપ હેઠળ, સ્ક્રેપ તેના મૂળના બે મહિનામાં વેચાય છે. પશ્ચિમ રેલ્વે માટે તે એક મોટી સિદ્ધિ છે કે તેણે તેના તમામ કારખાનાઓમાં 100 ટકા, જ્યારે 97% સ્ટેશનો અને 65% સેક્શન અને ડેપો આ મિશન હેઠળ સ્ક્રેપ મુક્ત છે.


● પશ્ચિમ રેલવેએ ઓક્શન દ્વારા ભંગાર વેચ્યો

પશ્ચિમ રેલ્વેએ શૂન્ય બિનઉપયોગી માળખાનો લક્ષ્યાંક બનાવ્યો છે. જેમાં નાણાકીય વર્ષ 2020-21 ના ​​અંત સુધીમાં જૂના સ્ટાફ કવાર્ટર્સ, સર્વિસ બિલ્ડિંગ્સ, પાણીની ટાંકી દૂર કરવાનું સામેલ છે. પશ્ચિમ રેલ્વે દ્વારા આ માળખાઓને ઇ-ઓક્શન દ્વારા તથા સ્થિતિના આધારે નિકાલ કરવાનો નિર્ણય લેવામાં આવ્યો છે.

● જુના બિનઉપયોગી બંધારણમાંથી 6 કરોડની બચત

અત્યાર સુધીમાં 4000 આવા બાંધકામોની કિંમત 7 કરોડ રૂપિયાની નોંધપાત્ર આવક સાથે વેચવામાં આવી છે. આ વેચાણના પરિણામે, પશ્ચિમ રેલ્વેમાં આ જૂના બિનઉપયોગી બંધારણોમાંથી 6 કરોડની બચત પણ થશે.