ધુમ્મસ અને ઠંડીનો શરૂ થયો બીજો રાઉન્ડ, ગરમ કપડાં તેમજ બ્લેન્કેટનું વેચાણ વધ્યું

અમદાવાદ જાન્યુઆરી મહિનામાં ઠંડીનો ધુમ્મસ સાથેનો બીજો રાઉન્ડ શરૂ થઇ ગયો છે. વહેલી સવારે અને સંધ્યા સમયે ઠંડી વર્તાય છે. આ વર્ષે અમદાવાદના માર્ગો પર ગરમ કપડાં કરતા બ્લેન્કેટનું વેચાણ થતું વધું જોવા મળી રહ્યું છે.

• આ વર્ષે માર્ગો પર ગરમ કપડાં કરતાં બ્લેન્કેટ વધારે જોવા મળી રહ્યા છે
• ગરમ બ્લેન્કેટનો વેપાર વઘારશે રોજગારી
• રંગબેરંગી બ્લેન્કેટ નું વેચાણ મોટા પ્રમાણમાં
  

  blanket

અમદાવાદ: દરેક ઋતુની સાથે વાતાવરણ ને અનુકુળ કપડાં બજારોમાં દેખાવા માંડે છે. એમાંય ઠુંઠવતી ઠંડી પડે એ પહેલાં ગરમ કપડાંના બજારો દરેક શહેર માં લાગી જતા હોય છે. આ વર્ષે પણ શિયાળાની ઠંડી ની શરૂઆત થઇ ગઇ છે, પરંતુ કોરોના ની મહામારી ને કારણે આ વર્ષે અમદાવાદ શહેર ના જુદા જુદા વિસ્તારોમાં લાગતું તિબેટીયન સ્વેટર બજાર લાગ્યું નથી. જોકે દિલ્હીમાં તૈયાર થયેલા જેકેટ નું વેચાણ કરવા યુ.પી, દિલ્હી ના યુવાનો શહેરના ફૂટપાથો પર આવી ગયા છે. દરેક વિસ્તારોની લારીઓ, પાથરણાં માં જુદા જુદા મટીરીયલ માં તૈયાર થયેલા સ્વેટર, જેકેટ નું વેચાણ પણ શરૂ થઇ રહ્યું છે. સૌથી મહત્વની વાત એ છે કે, આ વર્ષે ફૂટપાથો, ખુલ્લી જગ્યાઓ, લારીઓ માં રંગબેરંગી બ્લેન્કેટ નું વેચાણ મોટા પ્રમાણમાં થઇ રહ્યું છે.

blanket

blanket

ઉત્તર ભારતમાં તૈયાર થયેલા ધાબળાંનું વેચાણ વઘુ
શો રૂમ અને મોલ કરતા ગરમ કપડાં નું વેચાણ માર્ગો પરના ફૂટપાથો, લારીઓ અને ચોક્કસ સ્થળો પર ભરાતા ગરમ કપડાં ના બજારો માં વધારે થાય છે. દર વર્ષે ગરમ ટોપીઓ, હાથ મોજાં અને ગરમ કપડાં ની જે વેરાઇટી જોવા મળતી હતી. આ વર્ષે ઉત્તર ભારતમાં તૈયાર થયેલાં વિવિધ રંગો ના ધાબળાં માં વેરાઇટી જોવા મળી રહી છે.

blanket

blanket

મંદીથી ઠંડા બજારમાં વેચાણ વધ્યું

ગરમ કપડાંનું બજાર આ વર્ષે ઠંડુ હતું. ઠંડી વઘતાં બજારમાં લારીઓ, પાથરણાં અને શોરૂમમાં ગરમ કપડાં અને ધાબળાં નું વેચાણ વધી ગયું છે. આ વર્ષે ઠંડી ની ઋતુમાં બ્લેન્કેટ થકી પેટિયું રળતાં અનેક પરિવાર માર્ગો પર જોવા મળે છે.