ક્લિનિકલ એસ્ટાબ્લીશમેન્ટ એક્ટનાં વિરોધમાં ઉસ્માનપુરા ખાતેનાં રિવર ફ્રન્ટમાં મોટી સંખ્યામાં ડોકટરો અને વિદ્યાર્થીઓ એકઠા થયા હતા અને એકટનો વિરોધ કર્યો હતો સાથે જ વિદ્યાર્થીઓએ રિવર ફ્રન્ટથી ગાંધી આશ્રમ સુધીની રેલી પણ યોજી હતી.મોટી સંખ્યામાં વિદ્યાર્થીઓ આ રેલીમાં જોડાયા હતા અને પોતાનો વિરોધ દર્શાવ્યો હતો. આ અંગે અમદાવાદનાં ફિઝિયોથેરાપિસ્ટ તબીબે જણાવ્યું હતું કે, કેન્દ્ર સરકારનાં આ ડ્રાફ્ટ બિલનાં લીધે દેશનાં ફિઝીયોથેરાપીસ્ટો તબીબોને આર્થિક માઠી અસર થશે તેમજ તેમનો હક છીનવાઈ જશે .દુનિયાનાં મોટાભાગનાં દેશોમાં ફિઝિયોથેરાપીસ્ટોને સન્માન અને સ્વતંત્ર દરજ્જો આપવામાં આવ્યો છે. જો, આ પ્રકારની સરકારની પોલીસી રહેશે તો દેશનું ઘણું ખરું યુવાધન બીજા વિકસિત દેશોમાં ફિઝિયોથેરાપી પ્રેક્ટિસ માટે દેશ છોડીને બીજા દેશમાં જવા મજબૂર બનશે.
અમદાવાદમાં ક્લિનિકલ એસ્ટાબ્લીશમેન્ટ એક્ટનો હજારો વિદ્યાર્થીઓએ કર્યો વિરોધ
